मनमाेहन ठकुल्ला, डाेटी
हिन्दु नेपाली नारीहरूकाे महान चार्ड हरितालिका तिजकाे अवसरमा
डाेटीकाे दिपायल सिलगढी नगरपालिका वडा नम्बर ६ ले सन्देशमूलक साँस्कृतिक कार्यक्रम गरेकाे छ ।
आज (मंगलबार) जिल्लाकाे प्रसिद्ध धार्मिक तिर्थ स्थल शैलेश्वरी मन्दिरकाे प्राङ्गणमा उक्त तीज विशेष सन्देशमूलक शुभकामना आदानप्रदान तथा साँस्कृतिक कार्यक्रमकाे आयाेजना गरेकाे हाे ।
तीजकाे अवसरपारी यस्ता कार्यक्रम गर्दा महिलाहरूमा मेलमिलाप र सद्भावना कायमकाे भवना बढ्नुका साथै साँस्कृति झल्किने उपस्थित महिलाहरूले बताए।
परम्परागत रूपमा मनाउँदै आएका तीज विशेष जस्ता थुप्रै साँस्कृतिलाई संरक्षण गर्न, देश विदेशमा चिनाउन प्रचारप्रसार गर्दै जानू पर्ने कार्यक्रमका प्रमुख अतिथि तथा दिपायल सिलगढी नगरपालिका नगर प्रमुख बाजि सिं खड्काले बताए । नगर प्रमुख खड्का थप्छन्,” साँस्कृतिलाई सभ्य र भव्य तरिकाले मनाउँदै जाँदा हिन्दुत्वकाे महत्त्व बढ्दै जानेछ ।”
हिन्दु नेपाली नारीहरूकाे तीज महान पर्व भएकाले विकृतिजन्य तडकभडक नगरी एकआपसमा मिलेर धर्म साँस्कृतिकाे जगेर्ना गर्नु पर्ने कार्यक्रमका सभापति तथा दिपायल सिलगढी नगरपालिका वडा नम्बर ६ का वडा अध्यक्ष नरेश मलाशीले बताए । अध्यक्ष मलासीले थपे,” सबै महिला एकै ठाउँमा रमाउन सकाओस् र आफ्ना भावना साँटासाँट पनि गर्न सकुन भन्ने उद्देश्यले कार्यक्रमकाे आयाेजना गरिएकाे हाे ।”
कार्यक्रममा सुरक्षाकर्मी, राजनीतिज्ञ, जनप्रतिनिधि, बुद्धिजीवी, सञ्चारकर्मी, शिक्षक, विद्यार्थी लगायत सम्पूर्ण वडाबासी महिला तथा अन्य क्षेत्रका महिलाहरूकाे बाक्लो उपस्थिति रहेकाे थियाे ।
त्यस्तै दिपायल सिलगढी नगरपालिका ६ नम्बर वडा कार्यालयले गत वर्ष पनि तीज विशेष कार्यक्रम भव्यताकासाथ गरिएकाे थियाे ।
