मनमाेहन ठकुल्ला,सिलगढी / डोटीको सिलगढी दिपायल सिलगढी नगरपालिका ५ सिलगढी अवस्थित भागरती एकेडेमी विद्यालयमा तीन दिने विद्यालय स्तरीय याेग विज्ञान शिविर गरेकाे छ ।
“गरौं योग,रहौ निरोग” भन्ने मुल उद्देश्यका साथ जिल्ला आयुर्वेद स्वास्थ्य केन्द्रको सहयोग र पतञ्लली योग समिति डोटीकाे आयाेजनामा याेग विज्ञान शिविर गरेकाे हाे ।
शिविरमा जिल्ला आयुर्वेद स्वास्थ्य केन्द्र दिपायलका याेग शिक्षक वलदेव जाेशीद्वारा विभिन्न आसन सिकाइएकाे थियाे । स्वस्थ्य जीवनशैली अपनाउनकाे लागि खानपिनमा विशेष ध्यान दिनुपर्ने शिक्षक जाेशीले बताउनुभयो ।
उक्त ३ दिने शिविरमा एकसय जना विद्यार्थी र शिक्षककाे सहभागीता रहेकाे विद्यालयका प्रधानाध्यापक हेमराज मलासीले बताउनुभएकाे छ साथै शिविरमा सिकेका कुरा विद्यालयमा निरन्तरता दिने उहाँले बताउनु भएकाे छ ।
सबैकाे साथ सहयाेग रहेमा डाेटी जिल्ला याेगमय बनाउने पतञ्जली याेग समिति सुदुरपश्चिम प्रदेश महामन्त्री याेग गुरु लक्ष्मी बमले बताउनुभयो । साथै उहाँले याेग शिविर सञ्चालन गर्ने गाउँ देखि सहरसम्म बन्दोबस्त मिलाएमा दक्ष याेग शिक्षक उपलब्ध गराएर शिविर सञ्चालन गर्ने बताउनुभयो ।
दिपायल सिलगढी नगरपालिका नगर प्रमुख बाजि सिं खड्काले नगरभित्रका सबै विद्यालयहरूमा याेग अभ्यास निरन्तरता दिन पतञ्जली याेग समिति डाेटीसँग सहकार्य गरेर अगाडि बढ्ने बताउनुभयाे । साथै नगरभित्रका विद्यालयमा कार्यरत खेल शिक्षकलाई प्रशिक्षण गराइने बताउनु भयाे।
शिविर यहि भान्द्र १२ गते देखि सुरू गरिएकाे थियाे ।
प्रतिक्रिया
सम्बन्धित खवर
