शुशिला पन्त/ डाेटी
डाेटी जिल्लाकाे के आई. सिह गाउँपालिका वडा नम्बर ६ अवस्थित
फलेडी गाैरा भाेलि ( शुक्रबार) हुने भएकाे छ ।
सुदुरपश्चिमकाे प्रसिद्ध पर्वकाे रूपमा मानिने गाैरा पर्व आआफ्नाे परम्परा अनुसार विधिपूर्वक भित्र्याई पुजाआजा गरि राखिएकाे गाैरा देविलाई भाेलि शुक्रवार विधिपुर्वक समापन गर्ने कार्यक्रम तय भएकाे श्रीमष्टा देवता क्षेत्र विकास समितिका अध्यक्ष पदमराज जैसीले बताए ।
उक्त क्षेत्रकाे गाैरासेलाउने दिनमा स्थानिय स्तरमा मेला नै लाग्ने गरेकाे र मेला भर्न र गाैरा देविकाे दर्शन गर्न छिमेकी पालिका संगै छिमेकी जिल्ला अछाम डडेल्धुरा देखि भक्तजनहरु आउने गरेकाे स्थानिय राम जैसीले बताए । शुक्रबार विहान, भारि खेल, तुलसा खेल्ने, दिउसाे कालीगाैरा ल्याउने, देउडा खेल्ने र साझ गाैरा देवि विधिवत रुपमा सेलाउने कार्यक्रम तय भएकाे मष्टादेवताका मुल पुजारी परमानन्द जाेशीले बताएका छन् । त्यसै गाैराकाे अवसरमा आज विहिवार देउडे कलाकारहरुका विचमा देउडा घम्साघम्सी चलेकाे छ ।
त्यस्तै सुदुरपश्चिममा माैलिक पर्वकाे रूपमा मनाउने गाैरा पर्व मनाउने र विसर्जन गर्ने प्रक्रिया चलि रहेकाे छ ।
