
निश्चल नरेश बोगटी, डोटी / उच्चरक्तश्राव भई समस्यामा परेकी एक महिलाको ज्यान जोगाउन डोटी जिल्लामा रहेको दारी ग्याङका सदस्य र एक संचारकर्मिले रगत दिदा ति महिलाको ज्यान जोगिएको छ ।
जिल्लाको केआईसिंह गाउँपालिका वडा नं.४ वायल घर भएकी २९ बर्षिया मिना नेपाली गर्भमा रहेको ६ महिने बालक खेरगएपछि उच्च रक्तश्राब हुदाँ जिल्ला अस्पताल डोटी पुराईएको थियो । रक्त अभाव भए पछि दारी ग्याङ डोटीका सदस्य एवम् क्षेत्रीय फुटबल खेलाडी रोहित रायमाझी र सामुदायिक रेडियो त्रिवेणी एफएम ९४.४ मेगाहर्जमा कार्यरत सन्चारकर्मी टेक बिवश साउदले रक्तदान गर्दा उनको ज्यान जोगीएको हो ।
उच्च रक्त श्राव भएकी मिना नेपालीको ६ महिनाको बच्चा खेर गए थियो । बच्चा खेर गए पछि उनका उच्च रक्त श्राव भएको थियो । नेपालीलाईको शरिरमा हेमोग्लोविनको मात्रा एक दमै कम भएका कारण तुरुन्तै रगत दिने सल्लाह उपचारमा चिकित्सकहरुले सल्लाह दिएका थिए । निज युवतीलाई सन्चारकर्मी साउदले एक पिन्ट, दारी ग्याङका सदस्य रायमाझीले एक पिन्ट गरी जम्मा दुई पिन्ट रगत दिइएको अस्पतालका नायब सुब्बा लोकेन्द्र विष्टले जानकारी दिए ।