तेजबहादुर डुम्रेल, डाेटी
विद्युतीय दुर्घटना न्यूनीकरणका लागि विद्युत वितरण केन्द्र दिपायलले डाेटी जिल्लाकाे मुख्य व्यापारीक केन्द्र दिपायल पिपल्ला बजारमा नाङ्गो तार विस्थापित गर्न थालेकाे छ ।
दिपायल सिलगढी नगरपालिका वडा नम्बर ४ अवस्ति पिपल्ला बजारमा नाङ्गोतारलाई विस्थापित गरी कालो प्लास्टिक जडित नयाँ तार जडानको काम धमाधम भैरहेको विद्युत वितरण केन्द्र दिपायलले जानकारी दिएकाे छ ।
बजारमा दिनप्रतिदिन चहलपहल बढेसँगै घना बस्ती रहेको पिपल्ला बजार क्षेत्रमा नाङ्गो तारका कारण विद्युत तार सर्ट भई दुर्घटना हुने जाेखिम बढेसँगै नाङ्गो तारलाई विस्थापन गरी प्लास्टिक जडित (इन्सुलीटेड) केवल तार प्रयोग गरिएको नेपाल विद्युत वितरण केन्द्र दिपायलका कार्यालय प्रमुख शिवशंकर सोनीले बताउनुभयो। साेनीले भन्नुभयो,” नयाँ तारबाट वितरण हुने विद्युत चुवावटको समस्या धेरै कम हुने गर्छ।” ।
जिल्लाका बजारिय क्षेत्रमा तत्काल नाङ्गो तारलाई विस्थापन गरिने साेनीले बताउनु भएकाे छ । साथै विद्युतका तारहरू फेरिएसँगै हावाहुरी लाग्दा पोल ढल्दा कुनै दुर्घटना नहुने उहाँकाे भनाइ छ ।
