सिलगढी / सुदुरपश्चिम प्रदेशकाे राजधानी पुरानाे क्षेत्रीय सदरमुकाम दिपायल हुनुपर्छ भन्दै राष्ट्रिय स्वतन्त्र पार्टी समन्वय समिति डाेटीले प्रमुख जिल्ला अधिकारी मार्फत प्रदेशलाई ज्ञापनपत्र बुझाएको छ ।
आज ( बिहीबार ) जिल्ला प्रशासन कार्यालय डाेटीमा स्वतन्त्र पार्टीका नेता र कार्यकर्ता गई प्रमुख जिल्ला अधिकारी गाेपालप्रसाद अर्याल मार्फत प्रदेश राजधानी डाेटीकाे दिपायलमा हुनुपर्ने माग राख्दै सुदुरपश्चिम प्रदेश मुख्यमन्त्री तथा मन्त्रिपरिषद्को कार्यालय धनगढीलाई ज्ञापनपत्र बुझाएकाे हाे ।
पार्टीले ज्ञापनपत्रमा उल्लेख गरिएको छ,”नेपाल सरकारको राष्ट्रिय योजना अन्तर्गत द्रुत राजमार्ग खुटिया दिपायल हुँदै चिनको ताक्लाकोट सम्म पुरयाउने सडग योजनाको उद्धेश्य पुर्तिका लागि पनि दिपायल प्रदेश राजधानी हुनु पर्छ भन्ने हाम्रो मान्यता र माग पनि रहने छ । ”
साथै दिपायल राजधानी दावीको विषयमा पुन विचार गरिनु पर्ने पार्टीकाे दाबी छ । ज्ञापनपत्रमा उल्लेख भएअनुसार प्रदेशको हितलाई माथि राखेर मनन् गरि उचित कदम चालिदिन हुन सुप प्रदेश माननीय मुख्यमन्त्रीलाई अनुरोध गरेकाे छ ।
विगतमा गरिएका नयाँ शहरहरुको विकास योजना अन्र्तगत दिपायल एउटा सदरमुकाम पनि रहेको र शहरकोरुपमा विकसित गर्न सकिने, पहाडि भूभागमा स्थित समथल जल,जमिनको अभाव नभएको, भौगोलिक रुपमा एकदमै सहरीकरण गर्न सकिने, व्यवस्थित ठाउँ रहेकोले उक्त क्षेत्रमा प्रदेश राजधानी बनाउँदा सुदुरपश्चिमको नाै वटै जिल्लाका बासिन्दालाई उक्त क्षेत्रमा सहजै आवतजावत गर्न सहजता हुने ज्ञापनपत्रमा उल्लेख गरिएकाे छ ।
राष्ट्रिय स्वतन्त्र पार्टी जिल्ला समन्वय समिति डाेटी संयाेजक केशव बलायरले ज्ञापनपत्रमा हस्ताक्षर गर्दै उल्लेख गरेअनुसार यदि कैलालीमा जंगल फडानी गरेर प्रदेश राजधानी मनाउने हाे भने त्यहाँकाे
भाैतिक वातावरण लगायत खाद्यान्नकाे उत्पादनकत्व घटेर जानुका साथै बसाइँसराइका कारण भविष्यमा ठूलाे नकारात्मक पर्ने संकेत गरेकाे छ ।
