मनमाेहन ठकुल्ला, डाेटी
डाेटी जिल्लाकाे दिपायल सिलगढी नगरपालिका वडा नम्बर ४ अबस्थित दिपायल सेती नदिमा बेवारिसे अबस्थामा एक पुरूषकाे शव फेला परेको छ ।
जिल्ला प्रहरी कार्यालय डाेटीकाअनुसार गएराती देखि हराएका शिखर नगरपालिका वडा नम्बर ६ तलकाेट बस्ने अन्दाजी २७/२८ वर्षीय कैलास लुहारकाे शव आज ( बिहीबार ) बिहान ९ बजे फेला परेकाे हाे । उनकाे शव पिपल्ला बजार स्थित पक्कि पुल नजिकै सेती नदीमा वहदै गरेकाे अवस्थामा स्थानीयले फेला पारेकाे जिल्ला प्रहरी कार्यालय डोटीका प्रहरी नायव उपरीक्षक भीमलाल भट्टराईले बताउनुभयाे।
उनकाे शव पाेष्टआर्टमका लागि जिल्ला अस्पताल डाेटीकाे शव ग्रहमा राखिएको छ । घटना सम्बन्धी थप अनुसन्धान भैरहेको प्रहरीले जनाएको छ ।
