मनमाेहन ठकुल्ला, डाेटी
डाेटीमा आज ( बुधबार ) दुई वटा माेटरसाइकल एकआपसमा ठाेकिँदा ३ जना घाइते भएका छन् ।
घाइते हुनेमा माेटरसाइकल चालक डाेटी जिल्लाकाे दिपायल सिलगढी नगरपालिका वडा ६ का अन्दाजी १८/१९ वर्षीय विकाश खत्री र बाजुरा बुढिगंगा नगरपालिका वडा नम्बर ६ का माेटरसाइकल चालक अन्दाजी २० वर्षीय सुवास बानियाँ र पछाडि सवार १७ वर्षीय माया बानियाँ रहेकाे जिल्ला प्रहरी कार्यालय डाेटीले जानकारी दिएकाे छ ।
बिपरित दिशाबाट बाजुरादेखि धनगढी गैरहेकाे सुवास बानियाँले चलाएकाे सु. प. प्र ०१०१२ प ३५३३ नम्बरकाे माेटरसाइकल र दक्षिण तर्फबाट बिकास खत्रीले चलाएकाे बा. प्र २०१९ प १३४१ नम्बरको माेटरसाइकल एकआपसमा ठाेकिदा उनीहरू तीनैजना घाइते भएकाे जिल्ला प्रहरी कार्यालय डाेटीका प्रहरी नायव उपरीक्षक भिमलाल भट्टराईले बताउनुभयो ।
घाइते तीनैजनाकाे जिल्ला अस्पताल डाेटीमा उपचार भैरहेको प्रहरीले जनाएको छ ।
प्रहरीकाअनुसार दुर्घटना दिपायल सिलगढी नगरपालिका वडा नम्बर ६ थाप्लामा करिव दिउँसो साढे ३ बजे भएकाे हाे । अहिले दुबै माेटरसाइकल नियन्त्रणमा लिएकाे र घटना सम्बन्धी थप अनुसन्धान भैरहकाे प्रहरीले जनाएको छ ।
