मनमाेहन ठकुल्ला, डाेटी
डाेटी जिल्लाकाे पूर्वीचाैकी गाउँपालिका वडा नम्बर १ अवस्थित माथिल्लो फुलाेट सामुदायिक वन अनुगमन गरिएकाे छ । आज (आइतबार ) वडा जनप्रतिनिधि, स्थानीय, इलाका वन रक्षक र वन समितिका पदाधिकारीहरूकाे संयुक्त टाेलीले वन अनुगमन गरिएकाे हाे ।
वन समितिकाे आयाेजनामा आफ्नाे मातहतमा रहेकाे चाेडल्लेमाणु देखि नवाँदेउसम्म वन अनुगमन गरिएकाे छ । वनकाे रेखदेख गर्न वनपाले भएपनि समग्र वनकाे अवस्थाबारे अनुगमन गरिएकाे वन समितिका सचिव राम खड्काले बताए । सचिव खड्काले भने, “पहलमान सिह स्वाँर राजमार्ग अन्तगर्त दायाँ अथवा दल्लाे क्षेत्रमा चरिचरन पनि पाँच वर्षका लागि समितिकाे निर्णयले प्रतिबन्ध लगाएकाे छ।” सचिव खड्काका अनुसार वन संरक्षण सम्वर्धन गर्न समितिले बेलाबखतमा विशेष निगरानी राखिरहेकाे बताए ।”
माथिल्लो फुलाेट सामुदायिक वनका अध्यक्ष महेन्द्र बहादुर खड्काकाअनुसार वर्षमा १ पटक सराेकारवाला व्यक्तिहरूकाे सहभागीतामा वन अनुगमन गरिदै आएकाे बताएका छन् । उनले भने,” वन अनुगमन गर्दै जाँदा ठिकै छ, पहिलेभन्दा अहिले स्थानीय सचेत भैसकेका छन् तर कतिपयद्वारा लुकिचाेरी सल्लाघारीबाट झराे निकासि भैरहेकाे छ, तिनिहरूकाे निगरानी हुँदैछ ।”
साथै वनमा रहेका ढलेका सल्लाका रूखहरू हटाउने र गाेडमेल गर्ने कार्य वन समितिले याेजना वनाइरहेकाे अध्यक्ष खड्काले बताएका छन् ।
खड्का थप्छन्,” यसपालि जिल्लाका प्रायः सबै वन क्षेत्रमा आगलागी भयाे, तर हाम्राे वनमा हुन पाएन्, भएपनि नियन्त्रण लियाैँ र त्यसैले खुसी छाैँ ।” यस वर्ष वनमा आगलागी फैलिरहेकाे बेला वन समितिका पदाधिकारी गएर आगलागी नियन्त्रणमा लिएकाे बताए ।
अध्यक्ष खड्का पुनः थपिहाल्छन्,” मलाई विगत वनमा काम गर्दाकाे करिव ३ दशकको अनुभव छ, वन सबैकाे साझा हाे जाेगाउनु पर्छ, र वनबाट उठेकाे रकम गाउँमा आपत विपत पर्दा सहयोग गर्नुपर्छ ।”
