लक्ष्मी धामी / प्रशिक्षार्थी पत्रकार
डोटी बहुमुखी क्याम्पस, सिलगढी
डोटी जिल्लाको सदरमुकाम सिलगढीको उत्तर भागमा अबस्थीत ऐतिहासिक रानी धारा संरक्षण अभावका कारण जिर्ण बन्दै गएको छ ।
सिलगढीमा खानेपानीको समस्या हुदा सबैको प्यास मेटाउने रानीधाराको मुलको पानी पहिले दाजोमा घट्दै गएको स्थानिय लक्ष्मण धामी बताउन्छन् । धामी भन्छन् – हामीले देख्दा सम्म धारामा धेरै पानी थियो अहिले क्रमिक रुपमा घटी रहेको छ । धाराको मुल देखी संरक्षण गर्न सके पानीको मुहान बढ्ने धामीको भनाई रहेको छ ।
कलात्मक रुपमा निर्माण भएको ढुङ्गेधारा सिलगढीमा बस्ती बस्नु भन्दा पहिले देखी नै रहेको स्थानियहरु बताउन्छन् । नेपाल ऐकिकरण पश्चात नेपालका चार शहर मध्ये एक शहरको रुपमा परिचित सिलगढी स्थीत डोटी गौडामा राणा जी हरु आएसंगै रानीधाराको मर्मत सम्भार गरी कलात्मक बनाईएको स्थानियहरु बताउन्छन् । ठुला ठुला ढुङ्गाहरुमा विभिन्न आकार प्रकार दिई खोपेर बनाईएको कलात्मक धारा संरक्षणको अभावमा जिर्ण बन्ने अबस्थामा पुगेको हो ।
पर्यटकीय दृष्टीकोणले समेत महत्वको रुपमा रहेको उक्त धारा खानेपानी अभावका समयमा सबैको प्यास मेटाउने गर्दछ । नुहाउने, लुगाधुने, खानेपानी दिने उक्त धाराको मुहान देखि नै संरक्षण हुनु पर्ने र मुहान संरक्षणका वृक्षरोपण जस्ता कार्यक्रम गर्न सके रानीधाराको महत्व अझै बढेर जाने देखिन्छ ।
