डाेटी / डोटी जिल्लाकाे सायल गाउँपालिका वडा न ४ मा ट्याक्टर दुर्घटना हुँदा ट्याक्टर चालककाे मृत्यु भएकाे छ ।
आज (सनिवार) बिहान ८ बजेकाे समयमा साेही ठाउँ डौड भ्वातलामा से २ भ २६च १७६० नम्बर को ट्याक्टर दुर्घटना परी मृत्यु हुनेमा कन्चनपुर जिल्लाकाे झलारीका ४६ वर्षिय ट्याक्टर चालक रामकृष्ण डगौरा रहेकाे जिल्ला प्रहरी कार्यालय डाेटीले जनाएको छ ।
जिल्ला प्रहरी कार्यालय डोटीका सुचना अधिकारी तथा प्रहरी नायब उपरीक्षक भिमलाल भट्टराईका अनुसार ट्याक्टर कच्ची सडकबाट १ सय मिटर तल खस्दा ट्याक्टर चालक डगाैराकाे घटनास्थलमै मृत्यु भएकाे बताउनु भयाे ।
गिठ्ठी लाेड गरेर उकालाे तर्फ जाँदै गर्दा ट्याक्टर पल्टिएको प्रहरी नायब उपरीक्षक भट्टराईले बताउनु भएकाे छ ।
ट्याक्टरमा चालक मात्रै रहेकाे र घटनाबारे थपअनुसन्धान भैरहेको भट्टराईले बताउनु भयाे ।
