डाेटी / राष्ट्रिय परीक्षा बोर्डले २०८० चैतमा सञ्चालित एसईई परीक्षाको नतिजा सार्वजनिक गरेको छ । मुलुकभरमा ५२ प्रतिशत भन्दा बढी विद्यार्थीले ११ कक्षा भर्ना हुन नपाउने गरि नतिजा सार्वजनिक हुदाँ सुदुरपश्चिमकाे डाेटी जिल्लामा संचालित भागरती एकेडेमीले सतप्रतिशत जस्तै नजिता निकाल्न सफल भएकाे छ । त्यस्तै जिल्लागत रुपमा संस्थागत विद्यालयमा छात्रा तर्फ उत्कृष्ट नतिजा ल्याउन सफल भएकाे छ ।
उक्त विद्यालयले २०८० काे एसईई परिक्षामा १९ जना विद्यार्थीहरुलाई परिक्षामा सहभागी गराएकाेमा १० जनाको A ग्रेड, ७ जनाको B+ ग्रेड र १ जना B ग्रेड ल्याएका छन् । त्यस्तै सहभागी मध्ये १ जना विद्यार्थीकाे ऐच्छिक गणित विषयमा मम ग्रेड वृध्दिका लागि पुरक परीक्षा दिन पाउने विद्यालयका संचालक हेमराज मलासीले बताए ।
डाेटीकाे दिपायल सिलगढी नगरपालिका वडा नं. ५ मा २०७३ सालमा स्थापित उक्त विद्यालयले २०७९ सालकाे एसईई परिक्षाका लागि पहिलाे व्याज तयार गरेकाे थियाे भने २०८० मा दाेस्राे व्याज सहभागी गराएकाे हाे । २०७९ काे परिक्षामा १० जना विद्यार्थी सहभागी गएकाेमा १० जना नै उत्तीर्ण भएकाे हेमराज मलासीले बताए ।
सामुदायिक विद्यालय तर्फ छात्रहरुमा सिताराम माध्यमिक विद्यालयका लक्ष्मि प्रसाद भट्ट, रजनिस राेकाया, छात्राहरु तर्फ झिमेमालिका वायल डाेटीका निसा बाेगटी, संस्थागत विद्यालय तर्फ सुजङ्ग वाेडिङ स्कुलका छात्र महेन्द्र विक्रम धामी र छात्राहरु तर्फ भागरती एकेडेमीका अरुणिमा भण्डारीले डाेटी जिल्लाभरमा उत्कृष्ट नतिजा ल्याएकाे स्राेतले जनाएकाे छ ।
सुप अनलाईन संग कुरा गर्दै उक्त विद्यालयका संचालक मलासीले आफ्नाे विद्यालयमाथी विश्वास गर्ने अभिभावक, शिक्षक, विद्यालय प्रशासन, राम्राे नजिता ल्याउने विद्यार्थिहरुलाई बधाई तथा धन्यवाद दिएका छन् । मलासीले विद्यालयकाे स्तर अझै माथि उठाउन सबै पक्षकाे सल्लाह सुझाब र सहयाेगकाे अपेक्षा समेत गरेकाे बताए ।
