डडेलधुरा / ट्याक्टर दुर्घटना हुँदा डडेलधुरामा २ जनाको ज्यान गएकाे छ भने २ जना घाइते भएका छन् ।
सनिवार जिल्लाको नवदुर्गा गाउँपालिका–४ सुरुडाको भित्री सडकमा बागमती प्रदेश ०१–००१ क ९६५१ नम्बरको ट्याक्टर दुर्घटनाभई मृत्यु हुनेमा ट्याक्टर दुर्घटनामा चालक धादिङको गजुरी गाउँपालिका–७ं का ४० वर्षीय धिरज थापामगर र रोडाङ गाउँपालिकाका २७ वर्षीय विष्णु विक रहेकाे जिल्ला प्रहरी कार्यालय डडेल्धुराले जनाएको छ ।
ट्याक्टर सडकबाट २५० मिटर तल खसेर दुर्घटनामा परी घाइते भएका उनीहरूकाे डडेल्धुरा अस्पतालमा उपचारका क्रममा मृत्यु भएको हाे ।
त्यस्तै धादिङको रोडाङ गाउँपालिकाका ३१ वर्षीय सुदिप विक र डडेल्धुराको नवदुर्ग गाउँपालिका–४ का २८ वर्षीय हिक्मत विक घाइते भएका छन्। उनीहरूको डडेल्धुरा अस्पतालमा उपचार भैरहेको छ ।
बेलापुरबाट सिरुडा रामजाने कन्ट्रक्सनको क्याम्प जाँदै गरेको ट्याक्टर गए राति साढे १० बजे दुर्घटना भएको हो।
