मनमाेहन ठकुल्ला, डाेटी
डाेटीमा नुहाउने क्रममा सेती नदिमा डुबेर एक गाडी चालक बेपत्ता भएका छन् ।
जिल्ला प्रहरी कार्यालय डाेटीका अनुसार नदिमा डुबेर बेपत्ता हुनेमा कैलालीकाे धनगढी उप-महानगरपालिका वडा नम्बर ३ मायामेट्रो अस्पताल पछाडी बस्ने ३८/४० वर्षिय नर ब. तामाङ रहेका छन् ।
उनी आज (साेमबार) १:४६ मिनेटकाे समयमा डाेटीकाे शिखर नगरपालिका वडा नं. ८ लुवाखडी स्थित नदिमा डुबेर बेपत्ता भएका जिल्ला प्रहरी कार्यालय डाेटीका प्रहरी नायव निरीक्षक नारायण सिं नेगीले बताए ।
चालक तामाङ धनगढीबाट अछाम तर्फ जाँदै गर्दा सु.प.प्र. ०१ ००१ ज. १५३४ नं. को अल्टो कार लुवाखडी स्थित सडकमा रोकी सेती नदिको किनारमा नुहाउन गएका प्रहरीकाे प्रारम्भिक अनुसन्धानबाट बुझ्न आएकाे छ ।
तामाङ डुबेर बेपत्ता भए पश्चात् उक्त गाडीमा सवार रेवन्त अधिकारीले प्रहरीमा जानकारी गराएकाे नायव निरीक्षक नेगीले बताए
बेपत्ता तामाङकाे खाेजिकार्यकाे लागि प्रहरी नायव निरीक्षक लाल बहादुर सुनारको कमाण्डमा ८ जना र प्रहरी नायव उपरीक्षक भिमलाल भट्टराईको कमाण्डमा ७ जनाको टोली खटाएको नेगीकाे भनाइ छ ।
