मनमाेहन ठकुल्ला, डाेटी
डाेटीमा सौतालाई पानी घट्टभित्र मारेकाे आराेपमा एक महिलालाई पक्राउ गरिएको छ ।
पक्राउ पर्नेमा जिल्लाकाे बडीकेदार गाउँपालिका वडा नं. २ कोटकेला बस्ने ३७ वर्षीय यमुना घर्तिमगर रहेकाे जिल्ला प्रहरी कार्यालय डाेटीले जानकारी दिएकाे छ ।
मृतककी भाई बहुरानी डम्मरी थापामगरले चैत्र १४ गते यमुनाको नाममा कर्तब्य ज्यान सम्बन्धी किटानी जाहेरी दरखास्त पेश गरेपछि उनलाई प्रहरीले पक्राउ गरिएकाे हाे ।
जिल्ला प्रहरी कार्यालय डाेटीका प्रहरी नायव निरीक्षक नारायण सिं नेगीका अनुसार मृतक दुर्गा घर्तिमगरकी कान्छी सौता यमुना घर्तीमगरले चैत्र १२ गते दिउँसो अन्दाजी ३ बजेको समयमा सो पानीघट्ट भित्र प्रवेश गरी ढुङ्गा, काठको आडो, हँसिया र बन्चरो समेतले साैताकाे टाउँकोमा हिर्काई मारेकाे आराेप छ ।
४०/४२ वर्षीय मृतक दुर्गा चैत्र १२ गते १ बजेको समयमा घरबाट कोटकेना खोलामा रहेको पानीघट्ट जान्छु भनि हिँडेकी थिइन् । साेही दिन साँझसम्म घर नफर्किएपछि आफन्तले खाेज तलास गर्दा भोलीपल्ट बिहान ०८:४० बजेको समयमा पानीघट्ट भित्र उनलाई मृत अवस्थामा फेला पारेकाे थियाे ।
मृतककी नन्द नाता पर्ने उर्मिला घर्तीमगरले टेलिफोनमार्फत जानकारी गराउना साथ जिल्ला प्रहरी कार्यालय डाेटीका प्रहरी नायव उपरीक्षक निशान्त श्रीवास्तव समेतको प्रहरी टोली सम्बन्धीत घट्नास्थलमा खटेकाे थियाे ।
प्रहरीले लासजाँच मुचुल्का कार्य पूरा गरी स्थलगत बुझेर प्रारम्भिक अनुसन्धान सम्पन्न गर्दा प्रहरीमा जाहेरी परेपछि आराेपीलाई पक्राउ गरिएकाे थियाे । यमुनालाई पक्राउ गरी सम्मानित डोटी जिल्ला अदालतबाट म्याद थप भई बिस्तृत अनुसन्धान कार्य जारी रहेको प्रहरी नायव निरीक्षक नेगीले बताउनु भयाे
