शुशीला पन्त डोटी / ९ स्थानिय तह रहेको डोटी जिल्लाका दुई स्थानिय तहहरु कोरोना भाईसर संंक्रमण मुक्त भएका छन् ।
जिल्ला स्वास्थ्य कार्यालय डोटीले दिएको जानकारी अनुसार जिल्लाको बडीकेदार गाँउपालिका र जोरायल गाँउपालिका कोरोना मुक्त भएका हुन् । जोरायल गाँउपालिकामा ८ महिला र २२ पुरुष गरि जम्मा ३० जनामा कोरोना संक्रमण देखीएको थियो मंगलबार विहान सम्ममा उक्त गाँउपालिकामा संक्रमण देखीएका सबै कोरोना माथी जित हासिल गर्दै घर गएका छन् । त्यस्तै बडीकेदार गाँउपालिकामा २ महिला र ११ पुरुष गरि कुल १३ जनामा कोरोना संक्रमण देखिएको थियो । उक्त गाँउपालिकामा संक्रमण देखिएका सबै डिस्चार्ज भई सकेको डोटीका स्वास्थ्य प्रमुख रमेश मलासीले सुपअनलाईनलाई बताए ।
जोरायल गाँउपालिकाका १ सय ६ महिला र ३ सय ५ पुरुष गरि ४ सय ११ जनाको पिसिआर परिक्षण गरिएको थियो जसमा ३० जनामा संक्रमण देखीएको थियो । त्यस्तै बडीकेदार गाँउपालिकाका २४ महिला र २ सय ९३ पुरुष गरि ३ सय १७ जनाको पिसिआर परिक्षण गरिएकोमा १३ जनामा कोरोना पोजेटिभ देखिएको स्वास्थ्य कार्यालय डोटीले जनाएको छ ।
