मनमाेहन ठकुल्ला डाेटी,
कैदीबन्दीकाे स्वास्थ्यलाई प्रमुख प्राथमिकतामा राख्दै जिल्ला आयुर्वेद स्वास्थ्य केन्द्र दिपायल डाेटीले सात दिने याेग तथा परामर्श कार्यक्रम गरेकाे छ ।
जिल्ला कारागार कार्यालय डाेटीमा रहेका ६८ जना कैदीबन्दी र ८ जना कारागार कर्मचारी गरी जम्मा ७६ जनालाई याेग तथा परामर्श दिइएको छ ।
उक्त सात दिने कार्यक्रममा आयुर्वेद पद्धतिबाट स्वास्थ्य सम्बन्धी कैदीबन्दीलाई विविध विषयमा सिकाएकाे जिल्ला आयुर्वेद स्वास्थ्य केन्द्रले जानकारी दिएकाे छ ।
कार्यक्रम अवधिभर सुगर, ब्लड प्रेसर, ग्याष्ट्रीक, आयुर्वेदक चिया, हाडजोर्नी दुखाइ, याेग शिक्षा लगायतका विषयमा जानकारी तथा चेकजाँच गरेकाे याेग प्रशिक्षक बलदेव जाेशीले बताउनु भयाे ।
आयुर्वेद पद्धति अपनाउदा निराेगी भइने कुरा सिकाइ भएकाे एक जना कैदीबन्दीले बताए । कैदी जीवनलाई तनाबरहित कसरी बिताउने भन्ने विषयमा आफूलाई ज्ञान प्राप्त भएकाे उनले बताएका छन् ।
स्वास्थ्य जीवनशैली अपनाउन बिहानै उठेर ध्यानमग्न अथवा तनाबमुक्त हुन् आयुर्वेद पद्धति आवश्यक रहेकाे याेग प्रशिक्षक बलदेव जाेशीले बताउनु भयाे । कार्यक्रममा सिकेका कुरा दैनिक व्यवहारमा ल्याउन कैदीबन्दीलाई प्रशिक्षक जाेशीले आग्रह गर्नु भएकाे छ ।
याेग तथा परामर्श कार्यक्रम प्रत्येक दिन बिहान साढे ६ बजेदेखि ९ बजेसम्म सञ्चालन गरेकाे थियाे ।
