ईन्जीनिय कुलमान घिसिङ जसले नेपालीका शहर गांउमा लोडसेडिङ हटाउनमा अग्रणी भूमिका खेल्नु भो वहाँको सफल कार्यकाल इतिहास कायम भएको छ । तपाईलाई धन्यवाद छ बधाई छ ।
अव, देशका नीति निर्माणमा तपाईको भूमिका अपेक्षा राखेका छौ । साथै एमसीसी अत्यन्तै गम्भिर प्रकृतिको समझौताबारे तपाईको धारणा थाहापाउन आतुर छौ, हामी धेरै नेपालीहरू ।
नेपाल र नेपाली बचाउन र बनाउनमा तपाईको सक्रिय सहभागिता युवा पीडीहरूलाई हौशलायुक्त तथा उर्जावान हुनेछ भन्ने हामी सबैको विश्वास समेत रहेको छ ।
अव, तपाईले एमसीसी जस्तो अत्यन्तै गम्भिर प्रकृतिको समझैताबारे नेपाली हकहितमा भएका र नभएका पक्षहरू सहित आफ्ना विचार उजागर गर्रिदिनु भयो भने सारा नेपालीहरूलाई सत्य वुझ्न र एकाकार हुनमा सहयोग पुग्नेछ ।
देश सामान्य अवस्थामा छैन । मूल्य मान्यता र सिध्दान्त विहीन राजनीति र अनुत्तरदायी दलाल नेतृत्व प्रवृतिको पञ्जावाट मुलुकलाई वचाउनु छ । विभिन्न विधाका इमान्दार व्यक्तित्वहरूको सक्रिय सहभागिता अपरिहार्य महशुस भएका छन ।
पार्टी गुटवन्दीको पंञ्जामा, गुटका व्यक्तित्वहरू माफिया र तसस्करहरको पञ्जामा रहेकाले राजनीतिमा अपराधीकरण र राज्यका संयन्त्रहरूमा राजनीतिकरण भएकाले कुनै क्षेत्र र सेवा गलत प्रभाव र दवावबाट अछुतो रहन सकेन । योग्यता, अनुभव र इमान्दारिताको मूंल्यांकन नहुदा, राष्ट्रवादी नेतृत्व नहुदाँ देश असफलता तिर धकेलिदै छ । देशमा प्रशस्त सम्भावना हुदाँ हुदै पनि अरूसंग भिक माग्नु परेका अवस्था नेपालीका लागि दुरभाग्य हो ।
युवा पीडीहरूलाई मुलुकको मुहार फेर्न कार्यमा लगाउन र साँच्चै तपाई जस्तै नैतिकबान ईच्छाशक्तिभएको युवाहरु स्थापित गर्नका लागी समेत अब तपाईको महत्वपुर्ण भूमिका रहने छ । मुलुकको मुहार कसरी फेरिन्छ भन्ने प्रश्नको गतितो उदाहरणको रुपमा नेपाली युवाहरुले तपाईलाई लिने गरेको कुरामा दुईमत नहोला । भ्रष्टहरुले मुलुकलाई कसरी खाई रहेका छन् ? मुलुकलाई कसरी सिध्दाई रहेका छन् भन्ने विषयमा तपाईको कार्यकाल बाट प्रष्ट हुन्छ । २२ घण्टे लोडसेडिंगलाई मुक्त गराई उज्यालो नेपाल बनाउनु र अरबौको घाटा व्यर्होदै आएको संस्थालाई मुनाफामा पुगाउनका लागी तपाईको जस्तो राम्रो भुमिका देखिएको छ साच्चै हरेक व्यक्तिले यसरी नै सोच्ने हो र काम गर्ने हो भने पक्क पनि यो मुलुक समृद्ध बन्ने छ मुलुकले मुहार फेर्नेछ । अब युवा जगाउने र युवा जाग्ने दिन आएको छ । जाग्नुहोस नेपाल र नेपाली वचाउन र नेपाल वनाउन ।
