डाेटी,पछिल्लो तीन वर्षयता सुदुरपश्चिमकाे प्रमुख पर्यटकीय स्थल तथा भू स्वर्गकाे उपमा पाएकाे खप्तडमा पर्यटककाे संख्या वृद्धि हुँदै गएकाे छ । खप्तड राष्ट्रिय निकुञ्जले दिएको सुचना अनुसार पछिल्लो तीन आर्थिक वर्षकाे तथ्यांकलाई विश्लेषण गर्दा वृद्धि हुँदै गएकाे हाे ।
आर्थिक वर्ष २०७७/२०७८ मा खप्तड क्षेत्रमा ३ जना बाह्य पर्यटक भित्रीएका छन् भने १ हजार ६ सय ८५ जना आन्तरिक पर्यटक भित्रिएका छन् ।
आर्थिक वर्ष २०७८/२०७९ मा २२ जना बाह्य पर्यटक र २ हजार १ सय ८७ आन्तरिक पर्यटक गरी जम्मा २ हजार २ सय ९ जनाले खप्तड भ्रमण गरेका छन् ।
त्यस्तै गत आर्थिक वर्ष २०७९/०८० मा खप्तडमा २ हजार ८ सय ९१ जना पर्यटक भित्रिएका निकुञ्जले दिएकाे तथ्यांकमा उल्लेख छ । जसमध्ये ९२ जना बाह्य पर्यटक रहेका छन् भने २ हजार ७ सय ९९ जना आन्तरिक पर्यटनकले घुमेका छन् ।
यसरी तीन वर्षकाे अवधिमा खप्तड घुम्न आउने पर्यटककाे संख्यालाई तुलनात्मक ढंगबाट हेर्दा पछिल्लो अविधिमा आन्तरिक तथा बाह्य पर्यटककाे संख्या बढ्दाे क्रममा रहेकाे छ ।
त्यसैगरी चालु आर्थिक वर्ष २०८०/८१ को ७ महिनाकाे अवधिमा ८ सय ८३ पर्यटक घुम्न आएका छन् । गत साउन महिनादेखि माघ महिनासम्म १८ जना बाह्य पर्यटक र ८ सय ६५ आन्तरिक पर्यटक उक्त धार्मिक तथा प्राकृतिक क्षेत्रमा भित्रिएका छन् ।
पछिल्लो समयमा यातायात तथा सहज बसाेबासकाे कारणले घुम्न आउने पर्यटककाे संख्या बढ्दै गएकाे स्थानीय गाेरख ठकुल्लाले बताउनु भएकाे छ । त्यस्तै सिलगडीबाट ओखरबाेट, बगलेक हुँदै झिग्रानासम्म १५ किलोमिटर सडक कालाेपत्रे भैसकेको छ ।
