डोटी / सत्तारुद्धदल नेकपाको भातृ संगठन राष्ट्रिय युवा सँघका केन्द्रीय सदस्य तथा कराँतेका राष्ट्रिय खेलाडी नरेश मलासीले दिपाययल सिलगढी नगरपालिका बडा नं. ७ उडितोलाका भलिबल खेलाडीहरुलाई सहयोग गरेका छन् ।
कोरोना कहरका समयमा गाँउघरमा रहेका समयमा नियमित अभ्यासमा सहयोग पुगोस् भन्ने उदेश्यका साथ युवा नेता मलासीले भलिबल, नेट, पम्प लगायतका खेलकुद सामाग्री सहयोग गरेको अनेरास्ववियुका नेता विर वहादुर विष्टले बताए ।
यस भन्दा पहिले पनि नेता मलासीले उक्त नगरपालिकाको बडा नं. ९ कलेनाका खेलाडीहरुलाई खेलकुद सामाग्री सहयोग गरेका थिए भने जिल्ला प्रहरी कार्यालय डोटी, जिल्ला ट्राफिक प्रहरी कार्यालय डोटी, ईलाका प्रहरी कार्यालय दिपालयमा कार्यरत नेपाल प्रहरीका कर्मचारीहरुलाई सहयोग पुगोस् भन्दै अत्याबश्यक स्वास्थ्य सामाग्रीको रुपमा मास्क सेनिटाईजर खानेपानी लगायतका सामाग्रीहरु सहयोग गरेको विद्यार्थि नेता विष्टले बताएका छन् ।
