सिलगढी /डाेटीमा सामुदायिक विद्यालयको आयोजनामा पहिलाेपटक अन्तरविद्यालय स्तरीय क्रिकेट प्रतियोगिता सुरू भएकाे छ ।
जिल्ला सदरमुकाम अबस्थित पद्म पव्लिक मुक्तिनारायण माध्यमिक विद्यालयले आफ्नाे ७६औं वार्षिकोत्सवको अवसरमा उक्त प्रतियोगिताको आयाेजना गरेकाे हाे भने प्रतियोगिताकाे उद्घाटन सुदूरपश्चिम प्रदेशसभा सदस्य चक्रबहादुर मल्लद्वारा गरिएकाे हाे ।
उक्त प्रतियोगितामा १० विद्यालयका ११ वटा टीमको सहभागिता रहेकाे विद्यालयले जानकारी दिएकाे छ । चारदिने प्रतियोगिताकाे विजेता टिमले रू ३५ हजार र उपविजेता टिमले रू २० हजार नगद पुरस्कार पाउने विद्यालयले जानकारी दिएकाे छ ।
आयोजक विद्यालयका प्रधानाध्यापक केशवराज ओझाका अनुसार आज भएको खेलमा आयोजक पद्म पव्लिकको बी टीमलाई मर्निङ लाइट विद्यालयले पराजित गरेको छ भने त्यसपछि अर्को खेलमा दिल्वेश्वर माध्यमिक विद्यालयले हरिहर माविलाई हराएकाे छ ।
त्यस्तै उत्सवकै अवसरमा अन्तरविद्यालय स्तरीय वक्तृत्वकला र हाजिरीजवाफ प्रतियोगिता भाेलि हुने उक्त विद्यालयका शिक्षक इन्द्र बहादुर कुन्जेडाले बताउनु भएकाे छ। आधारभूत तह कक्षा ६ देखि ८ सम्मका विद्यार्थीहरु सहभागी हुने हाजिरीजवाफकाे पुरस्कार प्रथमले ५ हजार द्वितीयले ३ र तृतीयले २ हजार पुरस्कार पाउने भएका छन् ।
त्यस्तै वक्तृत्वकला प्रतियोगिता कक्षा ९ देखि १२ सम्मका विद्यार्थीहरु बिच प्रतिस्पर्धा हुने भएकाे छ । जसमाध्ये एक विद्यालयबाट एक छात्रा र एक छात्र गरी दुई जनाले भाग लिन पाउने अनुमति रहेकाे छ । वक्तृत्वकलामा प्रथमले ३ हजार द्वितीयले २ र तृतीयले १ हजार पुरस्कार प्राप्त गर्ने शिक्षक कुन्जेडाले बताउनु भयाे ।
आज शुक्रबार सुरू भएकाे प्रतियोगिता विद्यालयले फागुन २ गते आफ्नाे ७६औं वार्षिकोत्सव मनाइ सम्पन्न गर्ने भएकाे छ ।
