डोटी / देखिएका तस्वीर सुदूरपश्चिम प्रदेशको डोटी जिल्लाको दिपायल क्षेत्र हो । साविकको सुदूरपश्चिम विकास क्षेत्रको क्षेत्रिय सदरमुकाम समेत रहेका यो धार्मिक, ऐतिहासिक, पर्यटकीय दृष्टीकोणले महत्वको क्षेत्र हो ।
नेपालका चार गौणाहरुमध्येको एक गौडाको रुपमा परिचित यो क्षेत्र नेपालको प्रशासनिक केन्द्रको रुपमा लामो अनुभव बटुलेको क्षेत्र हो यद्यपी यस क्षेत्रमा हुनु पर्ने जतिको भौतिक विकास हुन नसके पनि प्राकृतिक दृष्टीकोण बाट निकै धनी मानिन्छ ।
स्थानिय सरकार प्रदेश सरकारले मात्र नभई संघिय सरकारले पनि यस क्षेत्रमात्र नभई समग्र जिल्लाको विकास पर्यटनका माध्यमबाट गर्न सकिन्छ भन्दै आएको छ । तर यस क्षेत्रको पर्यटकिय गन्तव्यहरुको अहिले सम्म प्रचार प्रसार हुन नसक्दा ओझेलमा परेको छ ।
साच्चैको मन लोभाउने सेती नदी, दुधेश्वर मन्दीर, दिपायल कोट अर्थात डोटेली राजको दरबार, काल भैरब क्षेत्र, बाईसधारा (बासुधारा), दिल्पेश्वर मन्दिर लगायतका थुप्रै पर्यटकीय स्थलहरु रहेको यस क्षेत्रमा सरकारले लगानी गर्ने हो र प्रचार प्रसार गर्ने हो भने आर्थिक रुपमा पनि यो क्षेत्र सवल बन्ने निश्चीत छ ।
फोटो : दिपक बहादुर खड्का
