मनमाेहन ठकुल्ला डाेटी,
डाेटीमा पछिल्ला तीन वर्षयता धान उत्पादनमा वृद्धि हुँदै गएकाे छ । कृषि ज्ञान केन्द्र डाेटीले दिएकाे सुचना अनुसार पछिल्ला तीन आर्थिक वर्षकाे धान उत्पादनकाे तुलना गर्दा वृद्धि भएकाे हाे ।
आर्थिक वर्ष २०७८/ ७९ जम्मा २.७० मेट्रिकटनले जिल्लामा धान खेती उत्पादन भएकाे छ । आर्थिक वर्ष २०७९/८० मा २.७४ मेट्रिकटन धान उत्पादन भएकाे छ । यसरी दुई आर्थिक वर्षकाे धान खेतीकाे उत्पादनकत्वलाई तुलना गर्दा गत आर्थिक वर्षमा बढेकाे देखिन्छ ।
चालू आर्थिक वर्ष २०८०/८१ मा २.७६ मेट्रिकटनले धानकाे उत्पादनकत्व उकालाे लागेकाे देखिन्छ । वर्तमान समयमा डाेटी जिल्लामा १० हजार ६ सय ८० हेक्टर जमिनमा धान खेती गरिदै आएकाे प्राप्त सूचनामा उल्लेख गरिएकाे छ ।
सम्पूर्ण उत्पादित अन्न बालीकाे तुलना गर्दा डाेटी जिल्लामा सबैभन्दा बढी धान उत्पादन हुँदै आएकाे छ । त्यसपछि सबैभन्दा बढी गहुँ उत्पादन भएकाे छ भने क्रमशः मकै, काेदाे, जाै, फापर उत्पादन हुँदै आएकाे छ ।
कृषि ज्ञान केन्द्र डाेटीका निमित्त प्रमुख गंगा दत्त अवस्थीका अनुसार पछिल्ला ३ वर्षयता समयमै पानी पर्नु र मलकाे अभाव नभएका कारण जिल्लामा धान खेती उत्पादनकत्व वृद्धि हुँदै गएकाे बताउनु भएकाे छ । वर्तमान समयमा किसानले प्राङ्गारीक मलमा पनि जाेड दिएका कारण धानकाे उत्पादन बढ्दै गएकाे बताउनु भयाे ।
जंगली जनावरबाट बचाउन सके र राम्राे सिचाइकाे पहुँच भएकाे क्षेत्रमा धान खेतीमा जाेड दिएपछि उत्पादन अझै बढ्न सक्ने प्रमख अबस्थीले बताउनु भएकाे छ ।
प्रतिक्रिया
सम्बन्धित खवर
