डोटी/ शिवशिखर बहुउद्देश्यीय सहकारी संस्थाका बचतकर्तालाई अनलाइनबाट आफ्नो बचत रकम मागदावी गर्न आह्वान गरिएको छ ।

भूमि व्यवस्था, सहकारी तथा गरिबी निवारण मन्त्रालय अन्तर्गत समस्याग्रस्त सहकारी व्यवस्थापन समितिको कार्यालयले शिवशिखरका बचतकर्तालाई अनलाइन मागदाबी आवेदन पेश गर्न ३५ दिने सूचना आज बुधवार जारी गरेको हो । सूचना जारी भएसंगै अबको माघ महिनाको २२ गते ३५ दिन पुरा हुनेछ । आआफुले पाउनु पर्ने रकम मागदावी गर्न अनलाईन मार्फत निवेदन पेश गर्नु पर्नेछ ।

अनलाईन मागदावी गर्नका लागी एक व्यक्तीको एउटामात्र आवेदन दिन सकिने भएकोले आफुसंग भएको सबै प्रकारको सबै बचतको विवरण एकै आवेदनमा पेश गर्नुपर्नेछ । उक्त आवेदनमा खाताको प्रकार, माग गरिएको रकम, बैकमा खाता भए खाताको विवरण, नागरिकता, पासवुकको फोटो, मोवाईल नम्वर, बचतकर्ताको हस्ताक्षर लगायतका धेरै प्रमाणहरुको आबश्यक पर्नेछ ।

वचतकर्ता संगै शेयर सदस्यहरुले पनि आफ्नो दावी पेश गर्नु पर्नेछ । यसभन्दा पहिले पनि आफुले दावी सहित लिखित विवरण पेश गरेका निवेदनकर्ताले समेत अनलाईन दावी पेश गर्नु पर्नेछ । यस अगाडी पनी समस्याग्रस्त सहकारी व्यवस्थापन समितिको कार्यालयमा मागदावी निवेदन दर्ता गर्नु भएको छ भने अनिवार्य विवरण भर्न भनीएको छ ।