मनमाेहन ठकुल्ला, सिलगढी/ जिल्ला समन्वय समिति डाेटीका प्रमुख लक्ष्मण बहादुर सिंहले फलामकाे चिउरा चपाउनु र हलियाका समस्या समाधान गर्नु एउटै भएकाे बताएका छन् ।

राष्ट्रिय मुक्त हलिया समाज डाेटीकाे जिल्ला सम्मेलन कार्यक्रममा प्रमुख अतिथि समेत रहेका सिँहले कार्यक्रमलाई सम्वाेधन गर्दै यस्ताे बताएका हुन् । सिँहले सम्वाेधनका क्रममा भने – “हलियाहरूले एक जुट भएर आफ्नाे न्यायकाे लागि आन्दोलनमा उत्रिन आवश्यक छ ।” उनले गरिबलाई नभएर पहुँचवालालाई मुक्त हलियाकाे परिचयपत्र वितरण गरिएकाे आराेप समेत लगाए । त्यस्तै बाेल्ने क्रममा सिँहले आगामी दिनहरूमा जसले हलियाको परिचयपत्र पाउने पर्ने हाे त्यस्ता व्यक्तिलाई पहिलाे प्राथमिकतामा राख्न आवश्यक रहेकाे समेत बताए ।

“मयादित जीवन, न्यायिक पुनस्र्थापना, हामी सबैको सरोकार, शिक्षा, स्वास्थ्य, रोजगार र सामाजिक सुरक्षा मुक्त हलियाको अधिकार” भन्ने मुलनारा सहित संचालित कार्यक्रममा बाेल्दै विशिष्ट अथिति समेत रहेकी जिल्ला समन्वय उपप्रमुख स्मृति चुनाराले हलिया बदनाम भएकाे संस्था भएकाे आराेप लगाईन् । चुनाराले भनिन् – “हलिया बदनाम भएकाे संस्था हाे । जुन कुराकाे समस्या हुनुपर्थ्याे त्याे कुराकाे समस्या समाधान हुन सकेकाे छैन ।”

उक्त कार्यक्रममा हलियाका समस्या समाधान हुन नसकेकाे कुरा व्यापकरूपमा उठेकाे थियाे । हलियाकाे मुद्दालाई राजनीतिक कारण गरिएकाे, मुक्त हलियाकाे वर्ग छुट्याउनमा विभेद गरिएकाे आराेप समेत सहभागीहरुले लगाएका थिए । उक्त कार्यक्रममा वाेल्दै शिखर नगरपालिका वडा नं. ६ कि नरपता देवी लुवारले भनिन् – “जसकाे घरद्ववार छैन उसैलाई पछि पारिएकाे छ । जसकाे जग्गा छैन्, खानलाउनलाई धाैधाै परेकाे छ उसैलाई पछाडि पारेकाे छ ।” उनले दुखेसाे गरिन् ।

राष्ट्रिय मुक्त हलिया समाज नेपाल डाेटीले दिएकाे तथ्यांक अनुसार जिल्लामा मुक्त हलिया पुनःस्थापना अबस्था नियाल्दा मुक्त हलियाकाे संख्या १ हजार ३ सय ३५ रहेकाे छ । त्यस्तै १ हजार २ सय १० जनाले परिचयपत्र पाएका छन् । जग्गा खरिद २ सय १५ जनाका लागि गरिएकाे छ भने घर निर्माण २ सय ९८ काे गरिएकाे छ । त्यसैगरी ८ सय २५ जनाकाे घर मर्मत गरिएकाे छ । हालसम्म पुर्नःस्थापना भएकाे हलिया बस्तीकाे संख्या १ हजार १ सय २३ रहेकाे छ । तर ८७ जना मुक्त हलियाले परिचयपत्र प्राप्त गरेकाे भएपनि कुनै सेवा सुबिधा नपाएकाे तथ्यांकमा उल्लेख गरिएकाे छ ।

सम्मेलनकाे कार्यक्रम पुर्व सिलगढीकाे इन्द्रचाेकबाट शुक्रवार विहान ११ बजे आयाेजना गरिएकाे र्‍यालीले बजार परिक्रमा गर्दै जिल्ला समन्वय समितिकाे सभाहलमा पुगेकाे थियाे । राष्ट्रिय मुक्त हलिया समाज नेपाल डाेटीका अध्यक्ष बजिर सिं नेपालीकाे अध्यक्षतामा संचालन भएकाे उक्त सभामा बाेल्दै अध्यक्ष नेपालीले हिजाेका दिनमा कमिकम्जाेरी भएकाे बताएका छन् । उनले भने- जसकाे घरमा राेजगारी छ, जाेसँग जग्गा जमीन छ त्यसकाे घरमा हलिया परिचयपत्र वितरण गरिएका समेत पाईएकाे छ ।