मनमाेहन ठकुल्ला, सिलगढी/ डाेटीमा लागूओैषध (खैराेहेराेइन)सहित एक जनालाई पक्राउ गरिएकाे छ । पक्राउ पर्नेमा अछाम जिल्लाकाे चाैरपाटी गाउँपालिका ४ का १९ वर्षीय युवक रहेकाे जिल्ला प्रहरी कार्यालय डाेटीले जानकारी दिएकाे छ ।
युवकलाई पुस ११ गते जिल्लाकाे दिपायल सिलगढी नगरपालिका वडा न ४ पिपल्ला बजारबाट पक्राउ गरिएकाे जिल्ला प्रहरी कार्यालय डाेटीका प्रहरी नायव उपरीक्षक (डिएसपी ) निशान्त श्रीवास्तवले जानकारी दिएकाे छ ।
पक्राउ परेका युवक दिउँसोकाे समयमा लागुओैधष सेवन गरेर लठ्ठ परेका थिए । त्यसपश्चात युवकलाई संकाकाे आधारमा प्रहरी टाेलीले चेकजाँच गर्दा उनीबाट १.१७ ग्राम खैराेहेराेइन जस्तो देखिने पदार्थसहित नियन्त्रणमा लिएकाे प्रहरी नायव उपरीक्षक श्रीवास्तवले बताए ।
उनी विरूद्व मुद्दा चलाएर १२ गते म्याद थप गरी घटना बारे थप अनुसन्धान प्रक्रिया अगाडि बढाइएकाे छ । युवकलाई जिल्ला प्रहरी कार्यालय डाेटीकाे हिरासत कक्षमा राखिएकाे श्रीवास्तवले बताए ।
प्रतिक्रिया
सम्बन्धित खवर
