कैलाली / कैलालीको भजनी नगरपालिका-३ मा लागूऔषधसहित तीन जना पक्राउ परेका छन्। पक्राउ पर्नेमा जिल्लाकाे लम्कीचुहा नगरपालिका-१ भुरुवाका २२ वर्षीय दिनेश चौधरी रहेका छन् । उनीहरू दुई जना बुधवार साँझ पक्राउ परेका हुन्। उनीहरूलाई साेहि ठाउँ मोरीयाघाटबाट ३ ग्राम ४० मिलिग्राम लागूऔषध खैरोहेरोईन सहित पक्राउ गरिएकाे जिल्ला प्रहरी कार्यालय कैलालीले जनाएको छ ।

मोटरसाईकलको टुल बक्स भित्र लुकाई राखेको अबस्थामा लागूऔषध फेला पारी मोटरसाईकलसहित दुबै जनालाई पक्राउ गरेको प्रहरीले जनाएको छ।

यस्तै कैलाली जिल्लाको गोदावरी नगरपालिका-३ चौकीडाडाँबाट एक जनालाई पक्राउ गरिएकाे छ । पक्राउ पर्नेमा
कञ्चनपुर जिल्लाकाे कृष्णपुर नगरपालिका-६ गजरौलाका २६ वर्षीय राजेश लुहार रहेकाे प्रहरीले जनाएको छ ।

उनलाई बुधबार दिउँसो २२० मिलिग्राम लागूऔषध खैरो हेरोईनसहित इलाका प्रहरी कार्यालय मालाखेतीबाट खटिएको प्रहरी टोलीले पक्राउ गरिएकाे हाे । घटनाबारे थप अनुसन्धान भैरहेको प्रहरीले जनाएको छ ।