मनमाेहन ठकुल्ला, सिलगढी
डाेटीमा १४ हजार हेक्टर भन्दा बढी खेतीयोग्य जमिन आकाशे पानीकाे भरमा रहेकाे छ ।

कृषि ज्ञान केन्द्र डाेटीले दिएकाे सूचना अनुसार जिल्लाभर १४ हजार २ सय १९ हेक्टर जमिन आकाशे पानीकाे भरमा रहेकाे छ । कुल खेतीयोग्य जमिन ३२ हजार,२ सय ७६ हेक्टर रहेकाे छ भने २५ हजार ५ सय जमिनमा मात्रै खेति गरिएकाे छ । जसमध्ये कुल सिँचाइ गरिएकाे ११ हजार २ सय ८१ हेक्टर जमिन रहेकाे तथ्यांकमा उल्लेख गरिएकाे छ । कुल सिचित जमिन मध्य ९ हजार ५ सय २१ हेक्टर जमिनमा वर्षभरी सिचाइ गरिएकाे पाइएकाे छ भने आंसिक सिचित जमिन १ हजार ७ सय ६० हेक्टर रहेकाे कृषि ज्ञान केन्द्र डाेटीले जानकारी दिएकाे छ ।

आकाशे पानीकाे भरमा सिँचाइ गर्न कठिनाइ भएपछि प्रायः जमिन बाँझाे रहेकाे छ । खेतीयोग्य जमिनमा पनि पानीकाे समस्याले हिँउदमा आकाशे पानी नपर्दा बाँझो रहने गरेकाे किसानहरूले बताएका छन् । सिचाइ युक्त जग्गाजमिनमा लाग्ने नजिकका पानीका स्राेत सुक्दै गएपछि जमिन बाँझो राख्नु परेकाे पूर्वीचाैकी गाउँपालिका २ का कालू सि ठकुल्लाले बताए । पुराना कुलाका मुहान तथा नहर सुक्दै जाँदा सिँचाइ ह्वात्तै घटेकाे उनले बताएका छन् । पहिले खेति गरिने जमिनमा आकाशे पानी नआएपछि बाँझाे रहने गरेकाे शिखर नगरपालिका ११ अन्दाेगराका कृष्णराम बलायरले बताए ।

कृषि क्षान केन्द्र डाेटीका निमित्त कार्यालय प्रमुख गंगा दत्त अवस्थीका अनुसार जिल्लामा हाल कृषि पेशामा ८१.०० प्रतिशत जनसंख्या आत्मनिर्भर रहेकाे बताए । वर्षेनी सिँचाइकाे माग बढ्दै गए पनि सिचाइकाे स्राेत घट्दै गएकाे निमित्त प्रमख अबस्थीले बताए । अबस्थीले भने ‘ सिँचाइकाे माग गर्ने किसानहरू बढे पनि बाढीपहिरो, राेड खन्ने प्रवृत्तिले पानीका मुहान सुक्दै गएकाे अवस्थीले बताएका छन् ।