बझाङ /बझाङ जिल्लाकाे केदारस्युँ गाउँपालिका अबस्थित निर्माणाधीन र्थिङ सेन्टरमा स्थानीयले घाँस राखेकाे छ । वडा नम्बर १ को रायलमा निर्माण गरिएको रायल बर्थिङ सेन्टरको भवनमा स्थानीयले घाँस राख्ने बनाएका छन् । नयाँ निर्माणाधीन भवनका निर्माण कार्य अलपत्र परेपछि स्थानीयले घाँस राख्ने गाेठकाे रूपमा प्रयाेग गर्दै आएका छन् ।
आर्थिक बर्ष २०७८÷७९ मा प्रदेश सरकारको सामाजिक विकास मन्त्रालयले वर्थिङ सेन्टर निमार्णका लागि भनेर २५ लाख बजेट विनियोजन गरेको पाइएकाे छ । दुई वर्षअघि गाउँपालिकाको नम्बर १ का कनाडा, डुडिल, सिम, बगाल, चौडाला, पाडेचौर, रायल र पथुडाका स्थानियहरुलाई लक्षित गरी वर्थिङ सेन्टर निमार्णको काम सुरु पनि गरिएको थियो ।
उक्त क्षेत्रका स्थानीयले नजिक स्वास्थ्य संस्था नहुँदा रायल प्राथमिक स्वास्थ्य केन्द्र देउरा धाउनुपर्ने बाध्यता रहेकाे स्थानीय स्राेतले बताएका छन् । स्राेतका अनुसार स्थानीय सरकारले यसप्रति ध्यान दिन जरुरी रहेकाे बताएका छन् ।
