डोटी । डोटी जिल्ला सदरमुकाम सिलगढीमा रहेको बालसुधार गृहमा क्षमता भन्दा बढी बालकहरु रहेका छन् ।
बाल सुधार गृहकी प्रमुख सानुमाया गुरुङ लिम्बुका अनुसार
उक्त गृहमा २५ जनाको क्षमता भए पनि ५२ जना राखिएको जानकारी दिएकाे छ । बाल सुधार गृहमा १८ वर्ष मुनिका बालकहरू मात्रै राखिनुपर्ने भएपनि उक्त गृहमा २० जना १८ वर्षमुनिका बालक र किशोरहरूसँग ३२ जना युवाहरू राखिएको छ । बालबालिका ऐन, २०७५ मा बाल सुधार गृहमा १८ वर्ष माथिका युवाहरूलाई अलग्गै राख्नुपर्ने भए पनि अलग राख्न नसकिएको बाल सुधार गृहकि प्रमुख लिम्बुले बताएकी छन् । यसरी क्षमता भन्दा बढी बालक राख्दा व्यवस्थापनमा ठूलाे समस्या भएकाे छ । गृहमा भौतिक पूर्वाधार र खेल मैदान, पुस्तकालयको खाँचो रहेकाे प्रमुख लिम्बूले बताइन् ।
राष्ट्रिय मानव अधिकार आयोग सुदूरपश्चिम प्रदेशका निर्देशक हरिप्रसाद ज्ञवालीका अनुसार युवा र १८ वर्ष मुनिकाहरूलाई बाल सुधार गृहमा सँगै राखेर सरकारले कानुन विपरीत गृह चलाइरहेको बताए ।
कानुन अनुसार बाल सुधार गृहमा अन्य बालबालिकासँग अलग हुने गरी राख्नुपर्ने छ’ भन्ने व्यवस्था छ तर सरकारले नै डोटीमा आफैंले बनाएको कानुन विपरीत युवाहरूलाई पनि बाल सुधार गृहमा राखेको पाइएकाे छ ।
गृहमा बर्षाैँ देखि यस्तै समस्या भएपनि सराेकारवाला व्यक्ति भने माैन रहेकाे स्थानीयले बताएका छन् ।
