मनमाेहन ठकुल्ला,डाेटी
डाेटीमा लागुओैषध (खैराे हेराेईन) सहित अछामका एक जिप चालकलाई प्रहरीले पक्राउ गरिएकाे छ । पक्राउ पर्नेमा अछाम जिल्लाकाे साफेबगर नगरपालिका वडा नं. ७ बस्ने २० वर्षीय बिशाल के.सी रहेकाे जिल्ला प्रहरी कार्यालय डाेटीले जानकारी दिएकाे छ ।

के.सीलाई आज (मंगलबार ) करिव ३ बजेकाे समयमा जिल्लाकाे शिखर नगरपालिका वडा नं. ३ कालागाड स्थित पुलबाट पक्राउ गरिएकाे हाे ।

उनले चलाएको से. १ ज. ७६१ नम्बरको महेन्द्रा बोलेरो जिप कालागाड स्थित पुलको दाहिने तर्फको बिममा ठाेक्किएर दुर्घटना ग्रस्त अवस्थामा फेला परेको जिल्ला प्रहरी नायब निरीक्षक नारायण सिं नेगीले जानकारी दिएकाे छ । उक्त दुर्घटना ग्रस्त जिप र चालकको उद्दार गर्नको लागी जिपको ढोका खोली भित्र हेर्दा चालक के. सी. चालकको पछाडी सिटमा बसी लागू औषध (खैरो हेरोइन) जस्सो खैरो धुलो पदार्थ सेवन गरी रहेको भेटिएको प्रहरी नायब निरीक्षक नेगीले जानकारी दिएकाे छ । के.सी नशाको सुरमा रहेको पाएकाे छ ।

उक्त जिबमा खाेजि तलासी गर्दा ४.४१ (चार थोप्लो एकचालीस) ग्राम लागु औषध (खैरो हेरोईन), खोलेको अवस्थाको खुकुरी चुरोटको डिब्बा थान १, सुजलगुम लेखिएका सिल्भर पेपरहरु ४ थान, जलेको अवस्थाको नेपाली रु.१० को नोट १, लाईटरहरु २ र ब्लेडको टुक्रा १ समेत फेला पारी बरामद गरिएकाे छ ।

साथै जिल्ला अदालत डोटीबाट लागु औषध (खेरो हेरोईन) मुद्दामा म्याद थप गरी घटनाबारे थप अनुसन्धान भैरहेकाे छ ।