मनमाेहन ठकुल्ला सिलगढी / डाेटीकाे दिपायल सिलगढी नगरपालिका वडा नम्बर ९ कलेना अबस्थित तेडी देवताकाे जात्रा सम्पन्न भएकाे छ ।

मंसिर ११ गते पूर्निमाका दिन विभिन्न पूजा सामाग्रीकाे पूजापाठ गरी सुरूभएकाे जात्रा आज १६ गते अर्थात् पञ्चमीका दिन गाेधुलीमा देवताद्वारा गाज नचाइ सम्पन्न भएकाे स्थानीय अगुवा ७० वर्षीय तेज बहादुर साँउदले बताएका छन् ।

चतुर्दशीकाे दिनदेखि तेडि देवताकाे पूजापाठ गर्दै आएपनि देवताद्वारा गाँज नचाइ कल्याण देवीकाे पूजापाठ गरेर पुनः फेरि गाज ( गाजेफडाे ) नचाइ पहिलेदेखि जात्रा सम्पन्न गर्दै आएकाे उनले बताएका छन् ।

तेडी देवतालाई परापूर्वकालमा एक जना स्थानीय व्यक्तिले भारतकाे कथ्युरबाट लिएर मन्दिर स्थापना गरेकाे हाे भन्ने जनविश्वास रहेकाे उनले बताए । तेडी देवताकाे पर्वकाे समयमा बसाइँसराइ गरेर जिल्ला बाहिर तथा विदेशिएका स्थानीय पनि पूजापाठमा अर्थात् पर्वमा सामेल हुने गरेकाे साउँदकाे भनाइ छ ।

तेडी देवताकाे पर्वमा पूजापाठ गर्दा घरपरिवार तथा आफूले चाहेकाे सबैकुरा पुरा गर्छ भन्ने जनविश्वास रहदै आएकाे स्थानीय श्रदालु भक्तजनहरूले बताएका छन् ।

तेडी देवताकाे जात्रा सुदुरपश्चिमकाे प्रसिद्ध धार्मिक तिर्थ स्थल शैलेश्वरी जात्राकाे ५ दिन पछि हुने गर्दछ । धार्मिक आध्यात्मिक जनविश्वासले परापूर्ववकाल देखि जात्रामा सहभागी हुँदै आएकाे वडा न ६ का श्रदालु राम धामीले बताए ।