मनमाेहन ठकुल्ला
सिलगढी,
सुदुरपश्चिम प्रदेशकाे प्रसिद्ध धार्मिक स्थल डाेटी शैलेश्वरी जात्रा आज (साेमबार) हुने भएकाे छ ।

हरेक वर्ष कार्तिक शुक्ल पूर्णिमाको हुने जात्रा यस वर्ष मलमासकाे कारणले ढिलाे हुन गई आज (साेमबार) कार्तिक स्नान समाप्ति तथा पूर्णिमाका दिन हुन लागेकाे शैलेश्वरी क्षेत्र विकास समितिले जानकारी दिएकाे छ ।

हिजाे आइतबार शैलेश्वरी जात्राकाे पूर्वार्धमा बिहान ११ बजेदेखि दिनभर देउघर पूजा लगाएर देउराे निकालिएकाे थियाे । पर्वकाे समयमा खाेलिने भगवतीकाे बाकस खाेलेर बाकस भित्र रहेका सम्पूर्ण पूजाका सामाग्रीहरू (भगवतीका श्रृङ्गार) लाई दुधले धाेएर शुद्धीकरण गरी पूजापाठमा गरिसकेको जानकारी दिएकाे छ । हिजाे १० गते साँझ चतुर्दशीका दिन शिव बैकुण्ठकाे विशेष पूजा पनि भैसकेको छ ।

त्याेसँगै पूजापाठमा संलग्न गराउनकाे लागि फटिक, प्रतिमा, आदि देउताले नै आफै शुद्धीकरण गरेर आज साँझ गाेधुलीकाे समयमा गाँज नाच्ने अध्यक्ष भट्टकाे भनाइ छ ।

शैलेश्वरीले पाैराणिक महत्त्व बाेकेकाे भएकाले विश्व कल्याणकाे लागि जात्रा हुँदै आएकाे छ ।

त्यसैगरी मेला अवधिभर जाँडरक्सी बन्द गर्न सम्बन्धित सराेकारवाला व्यक्तिहरूलाई सुचनामार्फत जानकारी गराएकाे अध्यक्ष भट्टले बताउनु भएकाे छ । जात्रामा सुरक्षा व्यवस्थालाई कडाइ गर्न प्रहरी कार्यालयलाई समेत पत्र पठाएकाे बताएको छ ।