मनमाेहन ठकुल्ला
सिलगढी, करदाता सेवा कार्यालय डाेटीले उत्कृष्ट पाँच जना करदातालाई सम्मान गरिएकाे छ ।

बाह्राै राष्ट्रिय कर दिवसकाे अवसरमा कर सप्ताह पश्चात् आज ( बिहीबार) एक ओैपचारिक कार्यक्रम गरी उत्कृष्ट पाँच जना करदाता र कार्यालयमा कार्यरत कर्मचारीलाई सम्मान गरिएकाे हाे ।

“स्वच्छ, परदर्शी र प्रविधिमैत्री कर प्रशासन, सामाजिक न्याय, आर्थिक समृद्धि र सुशासन” भन्ने मूल नाराकासाथ आर्थिक वर्ष २०७८/७९ मा उत्कृष्ट करदाताकाे रूपमा दिपायल सिलगढी नगरपालिका ५ एस. जी फ्युल सेन्टरका सञ्चालक प्रेमबहादुर भण्डारी सम्मानित भएका छन् । उनले १० लाख १० हजार ८ सय ९२ रूपैयाँ कर दाखिला गरेर जिल्लाकै सबैभन्दा उत्कृष्ट करदाताकाे रूपमा छनाेट भइ सम्मानित भएका छन् । त्यस्तै करदाताकाे दाेस्राे स्थानमा डाँफे. पिएस. जे भीका सञ्चालक प्रेमशंकर भट्ट रहेका छन् । भट्टले ५ लाख ९४ हजार ९२ कर दाखिला गरेर उत्कृष्ट करदाताकाे रूपमा जिल्लाकै दाेस्राे स्थान पर्न सफल भएकाे करदाता सेवा कार्यालय डाेटीले जानकारी दिएकाे छ ।

५ लाख ५४ हजार ८ सय ६ रूपैयाँ कर दाखिला गरेर बड्डा सप्लायर्स दिपायलका याेगेन्द्र सिं माझी तेस्रो करदाताकाे रूपमा छनाेट भएका छन् । त्यस्तै ५ लाख ४१ हजार ५ सय ६२ कर दाखिला गरि चाैथाे स्थानमा जे. बी ट्रेडर्स दिपायलका जंगबहादुर रावल छनाेट भएका छन् । पाँचौ स्थानमा ४ लाख ९५ हजार ९ सय ३७ कर दाखिला गरि साेभा ट्रेडर्स एण्ड अडर सप्लायर्सका सञ्चालक गाेपाल सिंह भाट सम्मानित भएका छन् । अन्य कार्यक्रममा उपस्थित सम्पूर्ण व्यवसायीहरूलाई समेत सम्मान गरिएकाे छ ।

त्यस्तै उत्कृष्ट कर्मचारीकाे रूपमा स्थापना कालदेखि डाटा इन्ट्री सुपरभाइजरकाे रूपमा कार्यरत हिक्मत मलासी र कर कार्यालय सहयोगी प्रेम बहादुर मलासीलाई पनि सम्मान गरिएकाे छ ।

पेशागत नैतिकता कायम गर्दै राज्यकोष बढ्ने गरी कर संकलन कार्यलाई अझै प्रभावकारी बनाउन प्रमुख सहायक जिल्ला अधिकारी दिर्घराज उपाध्यायले बताए ।

जिल्ला समन्वय समिति डाेटीका प्रमुख लक्ष्मण बहादुर सिंहका अनुसार कर संकलन गर्न सबैभन्दा ठूलाे हात उद्योग बाणिज्य संघकाे रहेकाले बाणिज्य संघले विशेष भूमिका खेल्नु बताए । सरकारकाे नीतिलाई टेकेर स्थानीयतहका कुनाकन्देरामा गई अनुगमन गरेर कर तिर्नुपर्छ भन्ने भावना तथा सन्देशकाे विकास गर्न प्रमुख सिंहले आग्रह गरेका छन् । पछिल्लो समयमा व्यापारीहरूमा मिसम्याचकाे समस्या देखा परेर व्यापारी मर्कामा परेकाले त्यसकाे समाधान गर्न आवश्यक देखिएकाे सिंहले बताए ।
डाेटी जिल्ला भरी आर्थिक वर्ष २०७८/७९ मा जम्मा २३ कराेड ९० लाख ९८ हजार लक्ष्यभन्दा बढी कर संकलन गरेकाे करदाता सेवा कार्यालय डाेटीका निमित्त कार्यालय प्रमुख बिरबहादुर ठगुन्नाले बताए ।