मनमाेहन ठकुल्ला
सिलगढी/ हिन्दुधर्मालम्वीहरुकाे प्रमुख पर्व वडा दशै र दिपावली सम्पन्न भएसंगै सुदुरपश्चिमका पहाडी क्षेत्रका विभिन्न स्थानहरुमा देवी देवताकाे विशेष पुजन र जातकाे समय सुरु भएकाे छ ।
सुदुरका गाँउबस्तीहरुमा आआफ्ना कुलकुलायन देवि देवता, ईष्टदेविदेवताहरुकाे विशेषपुजा अर्चना गरि देवि देवताकाे प्रतिकस्वरुप जात अर्थात गाज बनाई आआफ्नाे संस्कार अनुसार पुजन गर्ने परम्परा रहेकाे छ । साेहि क्रममा सुदुरपश्चिमकाे प्रशिध्द शैलेश्वरी मन्दिरमा हरेक बर्ष झै यस वर्ष कार्तिक शुक्ल पुर्णिमा अर्थात मंसिर ११ गते शैलेश्वरी जात हुने भएकाे शैलेश्वरी क्षेत्र विकास समितिले जनाएकाे छ । शैलेश्वरी मन्दिरमा हुने जात हेर्न छिमेकी मुलुक भारत देखि भक्तजन आउने गरेकाे र जात्रामा हजाराैकाे संख्यामा भक्तजनकाे उपस्थिति रहने गरेकाे दिपायल सिलगढी नगरपालिका वडा नं. ६ का वडा अध्यक्ष नरेश मलासीले बताए ।

त्यसैगरी नगरपालिकाकाे दिपायल क्षेत्रमा रहेकाे दुर्गामन्दिर दुर्गाजात मंसिर १० गते सम्पन्न हुने दुर्गामन्दिर व्यवस्थापन समितिले जनाएकाे छ । त्यस्तै नगरपालिकाकाे वडा नं. ८ लडागडा स्थित सुनादेवीकाे जात मंसिर १० चतूर्थीमा डाडा उकाल्ने र साेकाे ५ दिनपछि तल ओरालिने भएकाे छ । दिपायल सिलगढी नगरपालिका ९ कलेना तेडिकाे जाँत पञ्चमी मंसिर १६ गते हुने भएकाे छ ।

त्यस्तै जिल्ला पूर्वीचाैकी गाउँपालिका ३ धामीठाटामा मष्टेश्वर देवताकी जात आज पष्ठी (कार्तिक ३) राति रतेडी र भाेलि ४ गते दिउँसेडी हुने भएकाे छ । पूर्वीचाैकी गाउँपालिका ५ सलकट्याल देवताकाे जाँत यहीँ मंसिर ५ गते नवमीका दिन हुने भएकाे छ ।

शिखर नगरपालिका लुवाखडी जाँत र आदर्श गाउँपालिका १ मा मंसिर ११ पूर्णिमाकाे दिन हुने भएकाे हुने भएका छन् । त्यस्तै नगरपालिकाकाे वडा नम्बर २ कालागाडमा बालुङ्गा देवताकाे जाँत मंसिर १२ गते हुने भएकाे छ ।

जिल्लाकाे आदर्श गाउँपालिका १ मा दुर्गादेवीकाे जाँत मंसिर ११ गते पूर्णिमाका दिन हुनेभएकाे छ । त्यस्तै गाउँपालिकाकाे वडा नम्बर ४ डेहिमाण्डाैँ देवताकाे जाँत मंसिर ११ गते पूर्णिमा काे दिन हुने भएकाे छ भने आदर्श २ माैवाकाे जाँतमा मंसिर ८ गते हुने स्थानीय दिपेन्द्र ओझाले जानकारी दिएकाे छ ।

सायल गाउँपालिका ६ मा मंसिर ७ गते अर्थात् एकादशीका दिन सिमायल देवताकाे जाँत हुने छ । त्यस्तै जिल्लाकाे वडीकेदारमा मंसिर ९ गते त्रेयाेदशीमा हुनेभएको छ ।

केआईसिह गाउँपालिका वुहारा जात मंसिर ६ गते हुने भएकाे छ भने फलेडि श्रीमष्टा जात मंसिर ८ गते द्वादशीमा हुने भएकाे छ । त्यस्तै वडा नम्बर २ माैडामा मंसिर ४ गते अष्टमीका दिन हुने भएकाे छ । त्यस्तै वडा नम्बर – २ मा माेहन्याल देवताकाे जाँत मंसिर ५ र ६ गते अर्थात् नवमी र दशमीका दिन हुने भएकाे छ । बाेगटान फूड्सिल गाउँपालिकामा धिर्काडीमा ७ गते हरिबाेधनी एकादशीका दिन हुने भएकाे छ ।

बडिकेदार मेला मंसिर ८ देखि १० गते सम्म संचालन हुने भएकाे छ भने पूर्वीचाैकी गाउँपालिका मिनी खप्तड अर्थात् बगलेक बाराहीकाे जाँत भने स्थगित भएकाे स्थानीय व्यापारी लाेक खड्काले जानकारी दिएकाे छ ।