शुशिला पन्त डोटी / कञ्चनपुरका पाँच युवाले पाँच दिन सम्म १६ बर्षिया दलित बालिकालाई बन्धक बनाई बलात्कार गरेको घटना, अछाममा अन्तजातिय प्रेम सम्बन्धका कारण दलित युवक माथी कुटपिट, अमानविय व्यवहार धनुषामा १७ बर्षिया दलित बालिका माथि भएको सामुहिक बलात्कारको घटनाको विरोध गर्दै दलित महिला संघ (फेडो) डोटीले विरोध गरेको छ ।
आज विहिबार उक्त संस्थाले विज्ञप्ती जारी गर्दै अछाममा भाद्र १२ गतेके घटना, कन्चनपुरको भाद्र १६ गतेको घटना र धनुषाको भाद्र १७ गतेको घटनाको विरोध गर्दै दोषीहरुलाई कार्वाहीको माग सहित विज्ञप्ती जारी गरेको छ ।
संस्थाका जिल्ला परियोजना संयोजक योगोश बहादुर मल्ल र फेडो डोटी की कार्यवहाक अध्यक्ष लक्ष्मी बादी द्धारा संयुक्त हस्ताक्षरित विज्ञप्तीमा भनीएको छ । यस्ता कुर, अमानविय र मानवता विरोधी जघन्य अपराधहरु घटाई समाजमा अपराधिक कृयाकलापहरुमा गर्ने अपराधीहरुलाई कानून बमोजिम कडा भन्दा कडा कारवाही गर्न प्रदेश सरकार र संघिय सरकार संग जोडदार माग गर्नुका साथै यस्ता किसिमका अमाविय घृणितकार्यहरु प्रति संघको घोर भत्सना गर्दै खेद प्रकट गर्दछौ ।
अछाम घटनामा लामो समय देखी गैर दलित समुदायकी किसोरी र दलित परिवारको पुरुष विच प्रेम सम्बन्ध रहेकोमा सोहि विषयमा दुबै प्रेमीलाई गैरदलित समुदायका मानिसहरुले संगै बसेको देख्दा पुरुष माथी कुटपिट गर्नुको साथै कपाल काटेको थियो । सो घटना सहन नसकि किसोरी घटनाको केहि दिन पछि आत्महत्या गरेकी थिईन् भने घाईते पुरुष घरभन्दा बाहिर निस्कन नसक्ने अबस्थामा रहेका छन् । त्यस्तै कन्चनपुरको घटनामा दलित बालिकालाई झुक्याई ५ दिन सम्म बन्धक बनाई ५ जनाले मिलि बलात्कार गरेको थियो भने धनुसामा १७ वर्षिया दलित बालिका माथी साुमहक बलात्कार भएको थियो ।
