कार्त्तिक २७ डोटी
बडीकेदार गाउँपालिका स्तरीय प्रथम बडीकेदार पृमियर लिग टी ट्वान्टी क्रिकेट प्रतियोगिताको उपाधि रेडियो बडीकेदारले हात पारेको छ ।
बडीकेदार गाउँपालिका वडा नम्बर ५ ले कुन्थलामा आयोजना गरेको प्रतियोगितामा जनजागरण युवा क्लब घागललाई पराजित गर्दै रेडियो बडीकेदारको टिम प्रथम भएसङै नगर रु ३५ हजार मेडल ट्रफि र प्रमाणपत्र प्राप्त गरेको हो ।
आइतबार भएको फाइनल खेलमा जनजागरण युवा क्लब ३ घागललाई ७४ रनको टार्गेट दिएकोमा ४ विकेटले पराजित गर्दै ८ ओभर ३ बलमा गेम समाप्त भए सँगै रेडियोको टिमले उपाधि हासिल गरेको सामुदायिक रेडियो बडीकेदारका स्टेशनम्यानेजर चक्र मल्लले बताए ।
।१५ ओभरमा अलाउन हुँदै ७४को टार्गेट लिएको युवा क्लब द्धितृय भए सँगै रु १५ हजार नगद सहित ट्रफि र प्रमाण पत्र पाएको छ । त्यस्तै उत्कृष्ट खेल प्रदर्शन गर्दै रनुकाडा युवा क्लब र अत्तरकाडा युवा क्लब सान्त्वना भएसङै समान नगद ५।५ हजार प्रमाण पत्र पुरस्कार प्राप्त गरेको आयोजकले जनाएको छ ।
बिहीबार देखि सुरु भएको गाउँपालिका स्तरीय प्रथम बडीकेदार पृमियर लिग टी ट्वान्ट क्रिकेट प्रतियोगिताको फाइनल खेलमा म्याच अफ द म्यान धन बहादुर बोहरा, म्यान अफ द सिरिज नरेन साउँद, सेमिफाइनलमा वेस्ट बलर दीपक बम, फाईनलमा वेस्ट बलर नवीन चन्द उत्कृष्ट बलर प्रेम धर्ती काकु घोषित भएका थिए ।
विजयी तथा अन्य खेलाडीलाई वडा नम्बर ५ का वडा अध्यक्ष पदम सिंह बोहरा, वडा सदस्यहरूले पुरस्कार, ट्रफी प्रमाण पत्र वितरण गरेका थिए । प्रतियोगितामा ८ वटा टिमको सहभागिता रहेको आयोजकले जनाएको छ ।