सिलगढी / आज (आइतबार) देशकाे कोशी प्रदेशको पहाडी भू-भागमा  आंशिक बदली रही बाँकी भू-भागको मौसम सामान्यतया सफा रहनेछ।

पश्चिम वायुकाे सामान्य प्रभावका कारण दिउँसो कोशी प्रदेशको पहाडी भू-भागका एक-दुई स्थानमा मेघ गर्जन/चट्याङ्ग सहित हल्का वर्षाको सम्भावना  रहेको माैसम पूर्वानुमान महाशाखाले जनाएकाे छ । देशको उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको जनाएको छ । सुदुरपश्चिम प्रदेशका भु-भागमा भने आज माैसम सफा रहेकाे महाशाखाले बुलेटिना उल्लेख गरिएकाे छ ।

त्यस्तै राती  देशको पहाडी भू-भागमा आंशिक बदली रही बाँकी भू-भागको मौसम सामान्यतया सफा रहने भएकाे छ ।

आगामी २४ घण्टाकाे माैसम
आगामी २४ घण्टामा कोशी प्रदेशको पहाडी भू-भागका एक-दुई स्थानमा मेघ गर्जन/चट्याङ्ग सहित हल्का वर्षाको सम्भावना रहेको छ। देशको उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको जल तथा माैसम पूर्वानुमान महाशाखाले जानकारी दिएकाे छ । साथै देशभरको तापक्रम क्रमिक रूपमा घटिरहेको हुनाले त्यसबाट हुन सक्ने क्षतिबाट बच्न आवश्यक सतर्कता अपनाउन बुलेटिन मार्फत अनुराेध गरिएकाे छ ।