माेहन सि ठकुल्ला
सिलगढी, करिब ३ दशक पछि डाेटीकाे दिपायल सिलगढी नगरपालिका वडा नं. ५ स्थित नेपाल खाद्य संस्थानकाे गाेदाम घरमा चहलपहल सुरु भएकाे छ । दशै तिहारलाई लक्षित गर्दै खाद्य व्यवस्था तथा व्यापार कम्पनी लिमिटेड सुदुरपश्चिम प्रादेशिक कार्यालयले सिलगढीमा ‘पर्वाेउत्सव’ सञ्चालन गरे संगै गाेदाम घरमा चहलपहल सुरु भएकाे हाे ।

पर्वाेउत्सव अन्तरगत जिल्ला सदरमुकाम पुरानाे बसपार्क अबस्थित सरकारी गाेदाम घर प्रयाेग गर्दै बडादशै, तिहार, छटपर्वकाे उपलक्ष्यमा गत असाेज २१ गतेदेखि सुपथ सहुलियत मूल्यमा चामल र गहुँ विक्रि वितरण गरिरहेकाे छ । वजारकाे भन्दा सस्ताे मुल्यमा दैनिक उपभाेग्य चामल पाउँदा र गहुँ पाउँदा गाेदाम घरमा स्थानिय उपभोक्तकाे घुइँचाे लाग्ने गरेकाे स्थानिय विक्रम के.शी. ले बताए । ओैसतमा दैनिक २ सयकाे हाराहारीमा उपभाेक्ताहरु चामल गहूँ खरिद गर्न आउने गरेकाे त्यहाँका कर्मचारी सिताराम अग्रवालले बताएका छन् ।

डाेटीमा वि. स २०५६/५७ देखि सञ्चालनमा नल्याएको व्यापार कम्पनीले याे वर्ष दशै र तिहार लक्ष्यित खाद्यान वितरण मंसिर ४ गतेसम्म गर्ने कर्मचारी अग्रवालले बताए । अग्रवालका अनुसार असाेज २१ गते देखि हालसम्म ४ सय कुण्टल चामल र गहुँ बिक्रीवितरण भईसकेको छ । खाद्यान्नकाे मूल्य छुट विवरणमा अरूवा माेटा चामल र जिरा मसिनाे चामल साविककाे बिक्री मूल्यभन्दा प्रतिकेजी रू ७/७ रूपैयाँ दरले छुट गरि वितरण भईरहेकाे छ ।

उपभोक्ताकाे माग बमोजिम कम्पनीले चामल आपूर्ति गर्न नसकेकाे स्थानीय बिक्रम केसीले बताए । केसीले भने उपभोक्तहरूले माेटाे चामलकाे बढि माग गरेका छन् । माेटाे चामलकाे आपूर्ति नहुँदा चामल लिन आउने उपभोक्तहरूले रित्तो हात घर घर्किनु परेकाे बताएका छन् । महंगो मसिनाे चामल वितरण गर्नकाे लागि माेटाे र मसिनाे एकएक कठ्ठा मिलाएर वितरण गर्न थाले पछि सहुलियत मूल्यमा माेटाे चामल लिन आउने उपभोक्ता रित्तै हात घर फर्किने गरेकाे के.शी काे भनाई छ ।

उक्त चामल वितरणमा सर्वसाधारणलाई प्राथमिकता राख्नुकाे सट्टा उल्टै हाेटल लगायत अन्य व्यवसायीलाई कम्पनीले चामल वितरण गर्न थालेकाे त्यहाँ चामल लिन आउने एक उपभोक्ताले बताएका छन् । दैनिक चामल लिने उपभोक्तहरूकाे भिड लाग्न थालेपछि व्यापार कम्पनीले अहिले एक कठ्ठा मसिनाे र एक कठ्ठा माेटाे चामल बिक्री गर्ने गरेकाे एक उपभाेक्ताले बताइन् ।