डडेल्धुरा / डडेल्धुरामा प्रहरीले एक व्यापारीलाई पक्राउ गरेकाे छ ।
पक्राउ पर्नेमा डडेल्धुरा बजार महाकाली ट्रेडर्सका सञ्चालक तीर्थ भण्डारी रहेकाे जिल्ला प्रहरीले कार्यालय डडेल्धुराले जनाएकाे छ ।
भण्डारीलाई अमरगढी नगरपालिका प्रमुख डिल्लीराज जोशीलाई बजारमा डोजर चलाएकाे भन्दै पेट्रोल छर्किएर आगो लगाउने धम्की दिएकाे आराेपमा मंगलबार बिहान नियन्त्रणमा लिएकाे हाे ।
नगर प्रमुख जाेशी अहिले डडेल्धुरा बजारलाई ‘सुन्दर सहर’ निर्माण गर्न बजार क्षेत्रकाे राेड स्तर उन्नतिकाे लागि लागि परेका छन् । राेडमा अवैध रूपमा बनेका भाैतिक संरचना हटाउने र नम्बरी जग्गामा बनेका घरहरूकाे क्षतिपूर्ति बेहोरेर बसाइ व्यवस्थापन गरि उक्त कार्य अगाडि बढाइने साेमबार सुप अनलाइनलाई जानकारी दिएका थिए ।
सडक चाैडा बनाउन नगर प्रमुख जाेशीले बीच बजारकाे चाेकमा रहेकाे आफ्नो घर र पसलमा समेत डाेजर लगाएकाे बताएका थिए ।
सुन्दर सहर निर्माणकाे लागि आफ्नै घर राेड क्षेत्रमा पर्न गएकाले भत्काउनु परेकाे बताए । हिजाे मात्रै हामीसँग फाेनमार्फत जाेशीले स्थानीयकाे भरपुर मात्रामा साथ पाएकाे बताएका थिए ।
प्रतिक्रिया
सम्बन्धित खवर
