रूपन्देही / सामाजिक संजालमा अनैतिक हर्कत गरेपछि नेकपा माओवादी केन्द्रले शान्ति बराललाई कार्वाही गरेकाे छ ।
पार्टीकाे अनुशासन भन्दा बाहिर गएर आफ्नो विचार व्यवहार प्रस्तुत गर्ने छुट कसैलाई पनि नभएको भन्दै रूपन्देही सैनामैना नगर कमिटीकाे सदस्य पदमा रहेकी शान्ती बराललाई पार्टीले साधारण सदस्य नरहने गरि निस्कासन गरेकाे एक विज्ञप्तिमार्फत् जानकारी दिएकाे छ।
सांगठनिक जिम्मेवारी पार्टीमा हुनुपर्ने सामाजिक / सांस्कृतिक अनुशासन तथा आम नेपाली सामाजिक सांस्कृतिक व्यवहारका विरुद्ध गई सामाजिक सञ्जालमा अश्लील हर्कत गरेकाे
भन्दै पार्टीबाट निष्कासन गरेकाे जनाएकाे छ । ।
टिकटक लाइभमा गोप्य अंग देखाएर विकृतिपूर्ण क्रियाकलाप गरेर भाइरल बनेकी बराललाई माओवादीले साधारण सदस्यबाट समेत हटाएको उल्लेख गरिएकाे छ ।
पार्टीका नेताहरूसँगै सेल्फी खिच्ने, विभिन्न व्यक्तिसँग जोडेर टिकटक बनाउने र चर्चामा आउने बराल यसअघि पनि पटक पटक विवादमा मुछिदै आएकी थिइन् ।
पछिल्लाे समयमा टिकटक जस्ता सामाजिक सञ्जालमा यस्ता विकृतिपूर्ण हर्कतहरू हुँदै जाँदा केही दिन अगाडि गृहमन्त्रालयले एक विज्ञप्ति जारी गरेकाे थियाे ।
