
बैतडी/ शुक्रबार राति ११ बजेर ४७ मिनेटमा जाजरककाेट जिल्ला केन्द्रबिन्दु भएर गएकाे भुकम्पका कारण बैतडीमा एक घर भत्किएकाे छ ।
जिल्ला प्रहरी कार्यालय बैतडीका अनुसार राति ६.४ रेक्टर स्केलको भूकम्पका कारण बैतडीको दोगडाकेदार गाउँपालिका १ रीम घोरडीका कर्णबहादुर कार्कीको घर भत्किएको जनाएकाे छ ।
घर भत्किँदा कार्कीसहित उनकी श्रीमति ४५ वर्षीया नारु कार्की र ९ वर्षीया छोरी भावना कार्की समान्य घाइते भएका प्रहरी स्राेतले जनाएकाे छ ।
घरको पर्खाल भत्किँदा उनको गोठमा बाँधेका एक गाई, एक भैंसी र बाख्रा पनि घाइते भएका छन्। भूकम्पका कारण कार्कीको चारकोठे २ तले कच्ची घरको पर्खाल भत्किएको हो।
घटनाका विषयमा थप विवरण आउन बाँकी रहेकाे र घटनास्थल तर्फ प्रहरी टोली खटिएकाे छ ।