कैलाली / कैलाली र कञ्चनपुरमा प्रहरीले १४ लाखभन्दा बढीकाे सामान बरामद गरेकाे छ ।
दुबै जिल्लाका विभिन्न स्थानबाट भारतबाट अवैध रुपमा नेपाल भित्र्याइ रहेकाे अवस्थामा प्रहरीले सामान बरामद गरेकाे हाे । भन्सार छली गरेर ल्याइएको १४ लाख २९ हजार रुपैयाँ बराबरको सामान बरामद गरिएकाे जिल्ला प्रहरी कार्यालय कैलालीले जनाएकाे छ ।
कञ्चनपुरको पुनर्वास नगरपालिका–११ डोके बजारबाट
प्रहरीले ७६ हजारको लेडिज सुट, जेन्स कुर्ता सुरुवाल, लेडिज उनी स्वीटर बरामद गरेकाे छ ।
यस्तै भीमदत्त नगरपालिका–४ बाट बसन्त जोशीले संचालन गरेको महाकाली एग्रोभेट पसलबाट अबैध रुपमा भन्सार छली ल्याएका अन्दाजी पाँच लाख ५० हजारको मल लगायतका सामान बरामद गरिएको प्रहरी स्राेतले जनाएकाे छ ।
त्यसैगरी दोधाराचाँदनी नगरपालिका–१ को बयल बन्द नजिकबाट भन्सार छली गरि अवैध रुपमा भारततर्फ पठाउने उद्देश्यले लुकाइएको छ लाख ७४ हजारको सामान पनि बरामद गरिएको छ।
भारतको बनबास घर भएका ३८ वर्षीय दिपक जोशीले
सय पेटी लाईटर र ६० किलो ओखर अवैध रूपमा भित्र्याएकाे सामान बरामद गरिएको छ ।
यस्तै कैलाली प्रहरी स्राेतका अनुसार जिल्लाकाे धनगढी उपमहानगरपालिका–१० को सिमलघाटबाट ७६ हजारको लेडिज सुट, उनी स्वीटर, प्लाष्टिक माला, वडा नम्बर २ को भन्सार रोड नजिकबाट ४० हजारको चिनी, चप्पल, पित्तलको दियो, घण्टी, सप्तरंगी टिका लगायतका सामान बरामद गरेकाे जानकारी दिएकाे छ ।
त्यस्तै भजनी नगरपालिका–५ को लखरैयाबाट १२ हजार बराबरको पोटास गरि एक लाख २८ हजारको अवैध सामान बरामद गरिएकाे जनाएकाे छ ।
