
डडेल्धुरा / डडेल्धुरामा मोटरसाइकल दुर्घटनामा परेर नेपाल प्रहरीका एकजना पूर्व प्रहरी नायव निरीक्षक(सई)काे मृत्यु भएकाे छ ।
हिजो मंगलबार दिउँसो माेटरसाइकल दुर्घटनामा परी मृत्यु हुनेमा दार्चुलाको मालिकार्जुन गाउँपालिका–४ ऐरीछाना निवासी अन्दाजी ५४ वर्षीय शम्भुसिंह धामी रहेकाे प्रदेश ट्राफिक कार्यालय अत्तरियाले जनाएकाे छ ।
भीमदत्त राजमार्ग अन्तरगत आलिताल गाउँपालिका–१ गांखेतमा भात्काँडाबाट बुडरतर्फ जाँदै गरेको यूके ०६ बीसी २११२ नम्बरको मोटरसाइकल अनियन्त्रित भएर विपरित दिशातर्फबाट आउँदै गरेको सुुपप्र०१००१च २९५५ नम्बरको कारमा समेत ठोक्किएको प्रहरीले जनाएकाे छ ।
माेटरसाइकल दुर्घटनामा घाइते भएका धामीको टाउकोमा चोट लागेको थियाे । धामीकाे उपचारकाे लागि धनगढी माया मेट्रो अस्पताल लगिएको भएपनि डाक्टरले मृत घोषणा गरिएको प्रहरी स्राेतले जनाएकाे छ ।
उक्त कारका चालक बैतडी सुर्नाया गाउँपालिका–२ बस्ने ३५ वर्षीय कृष्ण विष्टले रहेका छन् । कार चालक बिष्टलाई
प्रहरीले नियन्त्रणमा लिएर अनुसन्धान भइरहेको जनाएकाे छ ।