कञ्चनपुर / कञ्चनपुरमा मोटरसाइकल दुर्घटना हुँदा एक जनाकाे मृत्यु भएकाे छ ।
मृत्यु हनेमा भारतीय व्यवसायी नागरिक राेहित अग्रवाल रहेका छन् । उनी आज (मंगलबार )शुक्लाफाँटा राष्ट्रिय निकुञ्जभित्र पर्ने नेपाली सेनाको अर्जुनी ब्यारेक नजिक मोटरसाइकल दुर्घटनामा परेका हुन् ।
जिल्ला प्रहरी कार्यालय कञ्चनपुरका अनुसार साँझ यूके ०३ डी ५९५६ नम्बरको मोटरसाइकल दुर्घटनामा परि उनी गम्भीर घाइते भएका थिए ।
भारतको वनवासका व्यवसायी अग्रवाललाई महाकाली प्रादेशिक अस्पतालमा लगिएपनि उनकाे उपचारको क्रममा मृत्यु भएको प्रहरी स्राेतले जनाएकाे छ ।
प्रहरीले घटनाकाे कारण पत्ता लगाइ सकेको छ । साइकलमा सवार शुक्लाफाँटा–५ का रमेश पाललाई बचाउन खोज्दा दुर्घटना भएको अनुसन्धानबाट खुल्न आएकाे छ ।
