काठमाडौ / सुदुरपश्चिमका चर्चित कलाकार चक्र बमसहित ९ जना जुवाखालबाटै प्रहरीद्वारा छाेपिएका छन् ।
काठमाडौंमा जुवाखालबाट कलाकारको टोली नै छाेपिएकाे हाे ।
काठमाडौं महानगरपालिका–२९ मैतीदेवीस्थित रमेशनाथ पाण्डेको घरको दोस्रो तलामा ९ जनालाई जुवा खेल्दै गरेकाे अबस्थामा ११ गते राति १० बजे पक्राउ गरेको थियो ।
याे घटना कात्तिक ११ गतेको भए पनि प्रहरीले मंगलबार मात्र सार्वजनिक गरेकाे हाे ।
भोजपुरको पात्लेपानी–२ घर भइ हाल मैतीदेवी बस्दै आएका गजित विष्टले सञ्चालन गरेको डान्स फिवर डान्स सिकाउने ठाउँमा जुवातास खेलिरहेको अवस्थामा उनीहरुलाई नियन्त्रणमा
लिएकाे प्रहरी स्राेतले जनाएकाे छ ।
पक्राउ पर्नेहरुमा भोजपुरको पात्लेपानी घर भई मैतीदेवी बस्ने ४५ वर्षीय गणेश विष्ट, ३८ वर्षीय नरेन्द्र विष्ट, ललितपुर–२४ का ३८ वर्षीय सुर्पमान स्याङतान, रुकुम पश्चिमको बाँफिकोट–२ का २६ वर्षीय रोशन सिंह र कैलालीको गोदावरी–२ का २९ वर्षीय चर्चित कलाकार चक्र बम , काभ्रेको पाँचखाल–६ का ६० वर्षीय शैकरप्रसाद आचार्य, रामेछापको राकाथुम–१ २८ वर्षीय टाइम मगर? बुढानिलकण्ठ–९ का ३६ वर्षीय सुरेन्द्र साउद र स्याङ्जाको चापाकोट–७ का ३३ वर्षीय घनश्याम अधिकारी रहेका छन्।
पक्राउ परेकाहरूबाट रू एक लाख ९० हजार ९२० रुपैयाँ र एक बुक ताससमेत बरामद गरिएको प्रहरी वृत्त सिंहदबारको टोलीले जनाएकाे छ ।
घटनाबारे अनुसन्धान भैरहेको प्रहरीले जनाएकाे छ ।
