डडेल्धुरा / नेकपा (माओवादी) केन्द्र सुदूरपश्चिम प्रदेश समितिको जनतासँग माओवादी विशेष रुपान्तरण तीन महिने अभियानको आवधिक समिक्षा बैठक डडेल्धुरामा सुरु भएको छ।
माओवादी केन्द्रका स्थाइ समिती सदस्य खगराज भट्ट्डको अध्यक्षता र माओवादी केन्द्रका केन्द्रिय उप-महासचिव तथा प्रधानमन्त्रीका प्रमुख राजनीतिक सल्लाहकार हरिबोल गजुरेलको प्रमुख आतिथ्यतामा डेल्धुराको अजयमेरु गाउँपालिकामा बैठक सुरु भएको उक्त पार्टीका सुदुरपश्चिम प्रदेश सहसचिब केशबनाथ योगीले बताए ।
दुई दिन सम्म चल्ने उक्त बैककमा माओवादी केन्द्रका केन्द्रिय सदस्य,प्रदेश पदाधिकारी,जिल्ला संयोजकरसचीवहरु केन्द्रिय सल्लाहकार परिषद सदस्यहरु,केन्द्रिय आयोग सदस्यहरु तथा जेष्ठ कम्युनिस्ट मंचका सदस्यहरु सहित १५० जना नेताहरुको सहभागीता रहेको योगीले बताएका छन् ।
सरकारले लिएको सुशासन,समृद्धि र सामाजिक न्याय प्रदान गर्ने उदेश्य सहित यस अघि २०८० श्रावण २१ गते देखि बसेको माओवादी केन्द्रको केन्द्रिय समितिले तीन महिने पार्टी रुपान्तरण अभियान संचालन गर्ने निर्णय गरेको थियो । उक्त बैठकले जनतासँग माओवादी विशेष रुपान्तरण अभियान सन्चालन गर्ने निर्णय गर्दै भदौ १६ देखि अभियान सुरु भएको थियो ।
