
बारा/ मोटरसाइकल दुर्घटनामा परी कञ्चनपुर घर भएका एक प्रहरी जवानको मृत्यु भएको छ।
मृत्युु हुनेमा भिमदत्त नगरपालिका–११ का प्रहरी जवान आकाश सुनार रहेकाे जिल्ला प्रहरी कार्यालय बाराले जनाएकाे छ ।
सुनार ईलाका प्रहरी कार्यालय निजगढ, बारामा कार्यरत थिए । ड्युटीको सिलसिलामा जितपुर सिमरा उपमहानगरपालिका– १६ ग्रिनलाइट होटल अगाडि उनले चलाएको ज१२प ७१५४ नम्बरको मोटरसाइकल दुर्घटना भएकाे हाे । सुनारले चलाएकाे माेटरसाइकल अनियन्त्रीत भएर दुर्घटना भएर उनी घाइते भएका थिए ।
सुनारको प्रादेशिक अस्पताल कलैयामा उपचार सम्भव नभएपछि थप उपचारको लागि एलएस न्यरो अस्पतालमा लगिएको थियाे । त्याहाँ डाक्टरले सुनारलाई मृत घाेषणा गरेकाे बारा प्रहरीले जनाएकाे छ ।