कैलाली / विदाका दिन सरकारी सवारी साधन अनुमति विना संचालन भएमा विभिन्न समूहले नियन्त्रणमा लिई प्रहरीलाई बुझाउने नाैलाे घटना हाेईन तर कैलालीमा एक युवाले एक्लै एक सरकारी माेटरसाइकल नियन्त्रणमा लिएकाे छन् ।
जिल्लाकाे अत्तरियाबाट सार्वजनिक बिदाको दिन अनुमति बिना चलाइएको सरकारी मोटरसाइकल स्थानीय युवा भुवन भट्टले नियन्त्रणमा लिएका हुन् ।
सुदूरपश्चिम प्रदेश ०१००१ ब २०८६ नम्बरको उक्त मोटरसाइकल नियन्त्रणमा लिएर ट्राफिक प्रहरी कार्यालय अत्तरियालाई बुझाएपछि प्रहरीले माेटरसाइकल चेकजाँच गर्दा बिना अनुमति सार्वजनिक विदाकाे दिन गुडाएकाेले नियन्त्रणमा लिएकाे थियाे ।
उक्त माेटरसाइकल सहरी विकास तथा भवन निर्माण कार्यालयका सव–इन्जिनियर उपेन्द्र महतराले गुडाएका थिए । मोटरसाइकल अहिले सुदूरपश्चिम प्रदेश ट्राफिक प्रहरी कार्यालय अत्तरियामा राखिएको प्रहरीले जनाएकाे छ ।
महतराकाे साथमा गुडाइरहेकाे गाडिकाे कुनै पनि कागजात नभेटिएकाे प्रहरीले जनाएकाे छ ।
