
बझाङ / इजरायल प्यालेस्टाइन हमास समूहकाे आक्रमणमा परि मृत्युु भएका बझाङ जयपृथ्वी नगरपालिका-११ का गणेश कुमार नेपालीको आज (शुक्रबार ) दाहसंस्कार गरिएको छ ।
गणेशकाे हमास समूहकाे आक्रमणमा परी अक्टोबर ७ तारिखमा मृत्यु भएता पनि शव नेपाल ल्याउन विविध कारणले ढिलाइ भएकाे थियाे । उक्त प्यालेस्टाइन हमास विद्रोहीको आक्रमणमा परी ज्यान गुमाउन पुगेका गणेशको शव आज करिव दिउँसो १ बजे बझाङ पुर्याएकाे थियाे ।
पुलिसले घरमा शवलाई आफ्न्तकाे जिम्मा लगाए लगत्तै भोपुरस्थित सेती नदी किनारमा दाहसंस्कार गरिएको पारिवारिक स्राेतले जनाएकाे छ ।
बुवा धनलाल नेपाली र आमा लक्ष्मी आउजीकाे काेखबाट गणेशले २०५५ सालमा जन्म लिएका हुन् । उनका चार दिदी, एक दाजु र दुई भाइ रहेकाे परिवारले जनाएकाे छ । गणेश कलेजमा छात्रवृत्ति बाटै अध्ययन गरिरहेका थिए । अन्तिम आठौं सेमेस्टरको इर्न्टनसिप गर्न उनी गत भदौ महिनामा इजरायल पुगेका थिए ।
इजरायल गएको एक महिना नबित्दै गणेशसहित १० जना नेपाली ज्यान गुमाउन पुगे । तर कञ्चनपुरका विपिन जोशी अझै सम्पर्क विहीन रहेका छन् ।
यीनिहरू सबै विद्यार्थी सुदूरपश्चिम विश्वविद्यालयअन्तर्गत टीकापुर बहुमुखी क्याम्पसको कृषि संकायतर्फ स्नातक तह अन्तिम वर्षमा अध्ययनरत ४९ जना ‘लर्न एन्ड अर्न’ कार्यक्रमअन्तर्गत इर्न्टनसिपकाे लागि इजरायल पुगेका थिए । तर पढ्ने सपना सबै तुहिएर उनीहरू दश जनाले इजरायल प्यालेस्टाइन हमास आक्रमणकारीकाे आक्रमणमा परि दुर्भाग्यवश इजरायलकै माटाेमा ज्यान गुमाउनु पर्याे ।